Autorstrada Thumanë – Kashar, banorët dhe biznesmenët kërkojnë që rrethit të Krujës t’i mundësohet akses

Qindra qytetarë kanë protestuar dhe bllokuar të shtunën aksin Fushkrujë – Thumanë.

Ata i kanë bërë thirrje ARRSH dhe Ministrisë së Energjitike dhe Transporteve që të marrin masa e mos të lejojnë anashkalimin e një rrethi prej 
rreth 80.000 banorë i cili është një rreth strategjik, por edhe historik. 

Ata shprehe se janë  rreth 1000 biznese të cilët penalizohen nga pamundesia e aksesit në autostradën e re. 

“Ne nuk jemi kundra rrugës thonë ata, por shteti duhet ta marrë në konsideratë të mos anashkalojë një rreth të tërë për interesa klienteliste.”

Protesta u mbështet dhe nga përfaqësues të PD-së dhe deputetët Klevis Balliu, Andia Ulliri dhe Elda Hoti.

Protestuesit janë të vendosur ti përshkallëzojnë protestat nëse nuk do merret në konsideratë kërkesat e tyre.

Gazetare Anisa Kadesha

/ rtsh.al /