Avokati i Prudentinos sulmon median Po shpifni per lidhje me mafien
TIRANE - Avokati i Albino Prudentinos ka hedhur poshte akuzat per lidhje te klientit te tij me mafien. Vito Felice ka deklaruar se te gjitha aludimet jane shpifje te medias. Albino Prudentino nuk ka lidhje me mafien - deklaroi avokati italian ne lidhje me 59-vjecarin e arrestuar pak dite me pare ne Vlore si te akuzuar per pjesetar te grupit mafioz Sacra Corona Unita ne Itali. I ndodhur ne Tirane paraditen e djeshme avokati Vito Felici doli ne nje konference per shtyp per te sqaruar pozicionin e klientit te tij. Ai i quajti akuzat shpifje dhe se klienti i tij eshte nje qytetar i lire i cili ka perfunduar denimin. Ndaj Albino Prudentinos ne Itali nuk eshte marre asnje vendim apo denim per pjesemarrje ne organizate mafioze. I vetmi denim eshte ai per kontrabande te cigareve. Prej 4 vitesh klienti im eshte qytetar i lire i cili ka perfunduar denimin. Lidhur me shoqerine mafioze Gjykata e Barit ka shpallur vendim qe ai eshte jashte shoqerise mafioze - deklaroi para gazetareve Vito Felice duke shtuar se te gjitha jane te konfirmuara nga akte dhe shkresa zyrtare te organeve te drejtesise italiane. Ne mbrojtje te Anxhelo Prudentinos djalit te Albinos avokati tha Angelo po vuan pasojat e te atit. Ceshtjet penale jane personale dhe jo familjare. Duke hedhur poshte akuzat avokati Felici sqaroi se Anxhelo Prudentino nuk rezulton i hetuar dhe as ne hetim per fakte qe perfshijne te atin e tij Albino Prudentinon. Po ashtu ai konfirmoi se Anxhelo Prudentino nuk rezulton i denuar. Sic rezulton nga skedari i gjendjes gjyqesore ai nuk ka qene i denuar. Te gjitha deklaratat ne llogari te tij jane perdhosese - tha avokati Felici. Avokati italian Vito Felici deklaroi se ai eshte dakord per ekstradimin nga Shqiperia ne Itali te Albino Prudentinos per te sqaruar pozicionin e tij para autoriteteve italiane.
Prudentino u arrestua disa dite me pare ne Vlore per llogari te Drejtesise italiane pasi dyshohet se eshte pjese e organizates mafioze Sacra Corona Unita ne Itali.
6 Tetor 2010