BE: Procesi elektoral u zgjidh sipas procedurave ligjore

Zyrtare te Presidences Polake te Bashkimit Evropian kane vleresuar ne menyre pozitive procesin e integrimit te Shqiperise. Beata Peksa, perfaqesuese e Polonise ne Komitetin per Politike dhe Siguri ne BE, shprehet se ka opinione te mira per arritjet e Shqiperise dhe Presidenca polake eshte e vendosur per zgjerimin e Bashkimit Evropian. Nga ana tjeter ajo vlereson edhe procesin zgjedhor, duke theksuar faktin se gjithcka u mbyll sipas procedurave ligjore. "Ne presidencen tone ne duam te sjellim energji dhe optimizem. Une jam optimiste. Zgjedhjet ishin nje proces kompleks, eshte mire qe u zgjidh sipas procedurave legale dhe jo sipas lojerave politike, por per fat te mire, cdo gje eshte futur ne rrjedhen normale tani. Kjo eshte gjeja me pozitive qe ne kemi konstatuar", shprehet ajo. Peksa vlereson dhe procesin e integrimit te Shqiperise ne Bashkimin Evropian. "Kemi lajme te mira per integrimin e Shqiperise ne Evrope. Ndonese jo aq te mira per procesin zgjedhor. Por une nuk dua te shprehem per kete. Ka pasur opinione pozitive dhe te mira per procesin e integrimit ne disa seminare ne Shqiperi. Prioritet i presidences tone eshte nje Evrope e hapur dhe ne shpresojme te vazhdojme procesin e zgjerimit", shprehet ajo. Po ashtu edhe Jan Tombinski, perfaqesues i perhershem i Polonise ne BE, shprehet se duhet avancuar me reformat dhe ka kerkuar bashkepunimin e gjithe klases politike. Ai theksoi se celesi i suksesit eshte bashkepunimi i gjithe faktoreve politike. "Zgjidhja eshte ne Shqiperi, ne Tirane. Duhet te kete nje koherence ne politiken shqiptare. Duhet te kete nje mirekuptim qe tani nuk eshte dhe po e cenon politiken shqiptare gjate gjithe ketyre viteve. Duhet konsoliduar politika ne Shqiperi. Duhen reformat per te ndertuar shtetin, per ta bere pjesetare te Bashkimit Evropian dhe ky eshte nje objektiv i te gjithe klases politike", shprehet Jan Tombinski. Ai ka sjelle dhe pervojen e Polonise ne drejtim te integrimit ne BE. "Nese klasa politike eshte e polarizuar, nuk mund te avancohet drejt nje qellimi te perbashket. Politika ndryshon, behen reforma, por gjithmone duhet te kemi parasysh qellimin e perbashket. Ne Poloni kemi bere 5 vjet zgjedhje, kemi ndryshuar 10 qeveri, por pa ndryshuar asnjehere destinacionin politik te Polonise", tha Tombinski Duke folur per takimin qe do te zhvillohet ne daten 19 korrik mes BE dhe Shqiperise, zyrtari i presidences polake shprehet per temat qe do te trajtohen e qe kane te bejne me sektore te ndryshem. "Do te jete nje rast per te analizuar gjendjen ne vend qe te shohim edhe angazhimin politik ne "domaine" te ndryshme, si p.sh sistemi juridik, sistemi administrativ, sistemi ekonomik dhe financiar. Jane shqiptaret qe duhet ta zgjidhin vendin vete. Bashkimi Evropian mund te jete nje mbeshtetje per reformat dhe nje destinacion per te ardhmen, por me pare duhet te zgjidhen problemet midis vete shqiptareve", shprehet perfaqesuesi i perhershem i Polonise ne BE.

Q. Xh