BE paralajmeron mbikeqyrje te rrepte per gazsjellesin e Balltikut

Nga Marcin Grajewski
Duke iu pergjigjur shqetesimeve te disa vendeve te rajonit, Komisioni Evropian paralajmeroi dje se do te studionte plotesisht nese nje gazsjelles, i planifikuar per t'u ndertuar nen detin Balltik, do te plotesonte rregullat strikte te ambientit. Gazsjellesi ''Nord Stream'', qe do te lidhe Rusine dhe Gjermanine dhe ku perfshihen kompanite ''Gazprom'', ''E.ON'' dhe ''BASF'', ka provokuar protesta ne Poloni, Lituani dhe Estoni, qe thone se do te demtoje mjedisin.
"Duhet te respektojme te gjitha ligjet e bllokut per kete projekt shume te rendesishem dhe kompleks'', deklaroi Komisioneri per Mjedisin i BE-se, Stavros Dimas, gjate nje seminari publik per gazsjellesin, i organizuar nga Parlamenti Evropian. Ai shtoi se nese ligjet e BE-se, si ai i mbrojtjes se kafsheve te egra, do te shkeleshin, atehere komisioni nuk do te hezitonte te padiste vendet ne ujrat e te cilit ndodhnin keto shkelje. Ne rastet me ekstreme, Komisioni do t'i drejtohet edhe Gjykates Evropiane.
Drejtori i ''Nord Stream''-it, Dirk von Ameln siguroi se kompania e tij do te respektonte te gjitha ligjet e BE-se. Ai shtoi se ka marre edhe keshilltare te pavarur per kete problem. "Nord Stream''-i eshte plotesisht i vendosur te mbroje mjedisin e detit Balltik. Gazsjellesi eshte planifikuar deri ne hollesite me ekstreme per ceshtjet e mjedisit dhe kushteve te detit Balltik", theksoi ai. Buletini i pare per ndikimin te mjedisi do te botohet shune shpejt nga firma keshilluese daneze ''Ramboll''. Drejtori i ''Ramboll''-it per projektin, Neel Strobeck tha se studimi nuk kishte perfunduar ende plotesisht, por shtoi se rruga qe do te pershkoje gazsjellesi eshte perzgjedhur per te minimizuar ndikimin te mjedisi.
Armet kimike
Me qender ne Zvicer, ''Nord Stream''-i planifikon te filloje punen ne gazsjellesin prej 1 200 kilometrash ne vitin 2009 dhe ta perfundoje ne vitin 2010. Ai do te mbuloje 25 per qind te kerkeses se BE-se per gaz natyror. Disa grupe per mbrojtjen e mjedisit dhe anetaret polake te Parlamentit Evropian i permbahen me force idese se gazsjellesi do te ndote detin Balltik qe, sipas tyre, edhe tani eshte i ndotur. ''Ndertimi i tij mund te krijoje nje katastrofe ekologjike, nese punetoret do te provokojne aksidentalisht armet kimike te nazisteve gjermane, qe ndodhen ne fund te detit Balltik qe nga koha e mbarimit te Luftes se Dyte Boterore'', thone ata.
Polonia ne vecanti ka dale hapur kunder gazsjellesit duke iu frikesuar faktit te fuqizimit ekonomik rus, cka do te sillte eksportin e gazit rus ne Evropen Perendimore duke menjanuar portet polake. Varshava ka argumentuar se nje gazsjelles nen det do te kushtonte tre here me shume sesa nje i tille i ndertuar ne stere. ''Nord Stream''-i ka thene se do te kushtoje mbi pese miliarde euro. "Nuk perjashtohet fakti se qellimi i shpenzimit te kesaj shume mund te jete bere per te treguar influence politike mbi fqinjet'', thote Keith Smith, i Qendres per Studime Strategjike dhe Nderkombetare.
Rusia dhe Gjermania i mohojne dyshime te tilla. Konsorciumi ''Nord Stream'', ashtu si edhe ''Gazpromi'' me 51 per qind, perfshin kompanite gjermane ''BASF'' dhe ''E.ON'' me 20 per qind secila dhe holandezja ''Gasunie'', me nente per qind.