Interesat ulen per USD, ngrihen per lekun
Bankat e nivelit te dyte po i ulin normat e interesit per depozitat ne dollar dhe po i rrisin ato per monedhen vendase, lekun. ProCredit Bank njoftoi dje se, rishikimi i interesave ne monedhen vendase vjen si rezultat i politikes monetare te ndjekur nga Banka Qendrore, si dhe reflekton sinjalet dhe pritshmerite e dhena nga tregu, ndersa ulja e interesave per USD erdhi si rezultat i vendimit te marre javen e kaluar nga Banka Qendrore e SHBA per uljen e normes se interesit ne dollare amerikan me 0,75%, duke arritur ne 3,50%. Ndryshimet ne normat e interesit kane te bejne si me faktore te brendshem te tregjeve financiare, ashtu edhe me faktore jashte tyre. Norma e interesit te depozitave eshte nje nder elementet kryesore qe perdor nje banke tregtare per te terhequr kliente drejt saj. Ne qofte se nje banke ofron interesa te larte per depozitimet, te shoqeruar me nje nivel te larte sigurie dhe cilesie ne sherbim, atehere klientet jane te siguruar. Mirepo, normat e interesit te depozitave perbejne kosto per bankat tregtare. Ne tregun tone bankar, bankat pranojne depozitime per maturitete dhe monedha te ndryshme. Ne pergjithesi, normat e interesit si ne leke ashtu dhe ne valute, varen nga politikat vetjake te bankave tregtare, si ruajtja e konkurrences ne tregun bankar, te qenit agresive per te fituar pjese ne kete treg, terheqja drejt tyre e nje monedhe te caktuar etj. Normat e interesit per depozitimet ne valute, varen kryesisht nga politikat monetare te bankave qendrore te monedhave perkatese. Per shembull, normat e depozitave ne euro dhe ne dollare varen nga ecuria e normave te interesit ne keto monedha, te percaktuara nga Banka Qendrore Evropiane dhe FED. Per sa u perket normave te interesit te depozitave ne leke, ato pershtaten ne varesi te sinjaleve te politikes monetare te Bankes se Shqiperise, apo dhe ecurise se interesave te bonove te thesarit.
Valuta dhe lloji i llogarive Interesi
(% ne vit) Ishte Behet
- LEK
Depozite me afat 3-mujor 4.40 4.80
Depozite me afat 6-mujor 5.40 6.00
Depozite me afat 12-mujor 6.50 6.70
- USD
Depozite me afat 3-mujor 3.00 2.20
Depozite me afat 6-mujor 3.20 2.40
Depozite me afat 12-mujor 3.80 2.50
Depozite me afat 24-mujor 3.80 2.50