BE shtyn viziten me presidentin ukrainas
Bashkimi Europian vendosi për shtyrjen e një vizite që Presidenti i Ukrainës, Viktor Yanukovych, duhet të bënte në Bruksel të enjten, si pjesë e protestës për burgosjes e rivales së tij kryesore politike, Yulia Tymoshenko.
Ish-Kryeministrja u me shtatë vjet heqje lirie një javë më parë, pasi një gjykatë në Kiev e shpalli fajtore për akuzën e abuzimit me detyrën, gjatë nënshkrimit të një marrëveshje për gazin, në vitin 2009.
Sipas BE-së, gjykimi i saj ishte politikisht i motivuar, pretendim i hedhur poshtë prej autoriteteve ukrainase.
Ditën e martë, zëdhënësja e kryediplomates Catherine Ashton, deklaroi se “shtyrja e takimit me Zotin Yanukovych ka si qëllim t’i bëjë të qartë Kievit se duhet të bëjë progress në sigurimin e pavarësisë së gjyqësorit nga politika. Gjithashtu, ky vendim dëshiron t’i bëjë të qartë autoriteteve ukrainase se duhet të bëjnë ende edhe shumë punë për të garantuar mbretërimin e ligjit në vendin e tyre”.
Pas çështjes Tymoshenko, Brukseli e ka cilësuar si selektive drejtësinë e ish-Republikës Sovjetike, duke nënvizuar se sulmi godet opozitën, në prag të zgjedhjeve të përgjithshme të vitit të ardhshëm.
Ditën e hënë, Presidenti Yanukovych u shpreh se do të ishte e papranueshme që ai të përdorte influencën e tij për të rrëzuar një vendim të marrë nga organet e drejtësisë.
”Çfarë sinjali do t’i jepnin shoqërisë nëse do të urdhëroja lirimin e saj? Do t’i bëja të kuptonin se një antar i opozitës është i lirë të kryejë çfarë do lloj krimi, në të njëjtën kohë që presidenti i tyre është vetë mbi ligjin”, u shpreh Yanukovych.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Nënë Tereza, 8 vjet nga Lumturimi
19 tetori, festë kombëtare
Itali, edhe Meta në përgjime
Meta-Prifti, nis ekspertiza
Bulqizë, një i vdekur, 8 të plagosur
Tiranë, vrasje për një gërvishtje makine