BRUKSEL – Lideri konservator i BE-së kërkon kundërmasa në përgjigje të tarifave të planifikuara nga Trump

BERLIN, 4 janar /ATSH-DPA/- Udhëheqësi i Partisë Popullore Evropiane konservatore (EPP) në Parlamentin Evropian, Manfred Weber po avokon për kundërmasa në përgjigje të tarifave të larta të importit të SHBA-së, nëse ato vendosen – ndërsa tarifat e BE-së do të fokusohen në kompanitë digjitale amerikane.

“Duhet të supozojmë se Trump do të bëjë pikërisht ashtu siç njoftoi: tarifat 20% për produktet evropiane do të jenë të mundshme shumë shpejt”, tha sot Weber për “Funke Media Group” .

Republikani Donald Trump do të marrë detyrën si presidenti i 47-të i SHBA-së më 20 janar.

“Evropa duhet të përgatitet për planet e saj “me besim”, tha Weber.

“Ekonomikisht, ne jemi afërsisht njëlloj me amerikanët, që të dy përfaqësojmë mbi 20% të prodhimit ekonomik global”, shtoi ai.

“Ne jemi gjithashtu të afta për kundërmasa. Kompanitë digjitale amerikane fitojnë shumë para në BE dhe nuk paguajnë pothuajse asnjë taksë – kjo është një çështje që mund ta trajtojmë patjetër”, tha ai. //a.i/