BUKURESHT – Rumania përsërit zgjedhjet presidenciale

BUKURESHT, 4 maj /ATSH-DPA/ – Rumunët u janë drejtuar kutive të votimit për të përsëritur zgjedhjet presidenciale të vitit të kaluar, të cilat u anuluan për shkak të parregullsive.

Edhe pse sondazhet sugjerojnë se George Simion i partisë së ekstremit të djathtë Aleanca për Bashkimin e Rumunëve (AUR) ka perspektivat më të mira, asnjë nga 11 kandidatët nuk pritet të fitojë shumicën absolute menjëherë, që do të thotë se ka të ngjarë të ketë një balotazh.

Qendrat e votimit hapen në orën 6 të mëngjesit dhe mbyllen në orën 8 të mbrëmjes.

Nëse është e nevojshme, një balotazh do të mbahet më 18 maj midis dy kandidatëve më të renditur në raundin e parë.

Në zgjedhjet e para në nëntor, kandidati pro-rus, Călin Georgescu, fitoi raundin e parë, pasi zhvilloi pjesën më të madhe të fushatës së tij në platformën online TikTok.

Megjithatë, pak para balotazhit të planifikuar, Gjykata Kushtetuese anuloi raundin e parë për shkak të parregullsive në financimin e fushatës.

Georgescu u ndalua përsëri të kandidonte për president dhe ka qenë nën hetim nga prokurorët që nga shkurti për dhënien e deklaratave të rreme në lidhje me financimin e fushatës së tij. /os/