Banka lajmeron: Permbytjet do te rrisin cmimet
Demet qe do te sjelle ne prodhimin vendas permbytja ne qytetin e Shkodres, pritet te krijoje probleme ne prodhimin vendas e per rrjedhoje edhe ne inflacion. Banka e Shqiperise ne raportin e saj te fundit per zhvillimet ekonomike ne vend, cileson se permbytjet e kane demtuar prodhimin bujqesor, fenomen ky qe pritet te ndikoje ne uljen e ofertes per keto produkte ne treg, duke u bere shkak edhe per rritjen e cmimeve te ketyre produkteve. Tendenca rritese e inflacionit, i shfaqur qysh ne tremujorin e fundit te vitit 2009 ishte nje zhvillim i pritur nga Banka e Shqiperise. Autoriteti qendror bankar ka pohuar se ne masen me te madhe, faktoret jane me natyre kalimtare, te cilet nuk pritet te gjenerojne presione te qendrueshme inflacioniste. Ne vecanti, ky zhvillim eshte ndikuar nga rritja e cmimeve te produkteve ushqimore, te cilat reflektojne efektin e vonuar te nencmimit te kursit te kembimit, konjukturat e tregjeve nderkombetare dhe problemet strukturore te tregut shqiptar. "Keta faktore pritet te ushtrojne presione inflacioniste edhe gjate gjashtemujorit te pare te vitit 2010, duke u plotesuar ndoshta edhe nga reduktimi i pritshem i ofertes se produkteve bujqesore si pasoje e permbytjeve qe sapo kaluan" thekson banka ne parashikimin e saj per cmimet. Megjithate, prirja e qendrueshme e inflacionit baze dhe vlerat e uleta te inflacionit te mallrave te patregueshem, konfirmojne se presionet inflacioniste te ushtruara nga kerkesa e brendshme jane te moderuara. Por sipas Bankes se Shqiperise, ne mungese te goditjeve te tjera te ofertes, ecuria e ngadalte e kerkeses se brendshme, rritja e ulet e ofertes monetare dhe pritjet e ankoruara inflacioniste, jane premise per mbajtjen e inflacionit brenda kufijve te objektivit ne periudhen afatmesme. Banka e Shqiperise ka ndjekur nje politike monetare te kujdesshme gjate vitit 2009, duke krijuar nje ambient te pershtatshem per zhvillimin e ekuilibruar te ekonomise dhe per kontrollin e presioneve inflacioniste. Ne prani te renies se presioneve inflacioniste dhe te pritjeve te stabilizuara per te, sinjalet per ngadalesimin e kerkeses se brendshme ne periudhen e ardhshme, kane motivuar rritjen progresive te stimulit monetar gjate vitit 2009. Gjate kesaj periudhe, Banka e Shqiperise ka ulur me nje pike perqindjeje normen baze te interesit, duke e zbritur ate ne nivelin 5.25 per qind.