Basha: Sot nisim projektin e Tiranes europiane Eva Gjura

Historiane, politikane, drejtues te bashkise, familje te njohura tiranase, jane mbledhur dje te gjithe sebashku per here te pare, per te kujtuar 92 vjetorin e shpalljes se Tiranes Kryeqytet. Kryetari i Bashkise se Tiranes Lulzim Basha, duke nderuar kete dite eshte shprehur se krahas kujtimit te kesaj date historike per Tiranen dhe nderimit te vepres atdhetare te familjeve te shquara dhe patriotike te Tiranes, eshte momenti per te filluar projektimin e Tiranes Europiane. "Bashkia e Tiranes eshte e angazhuar qe ta beje qytetin tone, me ritme shume te shpejta, qendren europiane te shtetit shqiptar. Tirana europiane eshte prioriteti yne dhe nuk mund te kete destinacion tjeter per kryeqytetin tone. Pas 100 viteve pavaresi dhe ne kete 92-vjetor te shpalljes se tij si kryeqytet, Tirana eshte me afer Brukselit, me afer Uashingtonit, me afer Romes dhe shume qendrave te tjera te rendesishme te botes" tha Basha. Kryebashkiaku ka deklaruar se sot pas 92 viteve e kujtojme dhe e perulemi me nderim ne respekt te kesaj dite. "Jemi mbledhur sot ketu, per te kremtuar 92-vjetorin e shpalljes se Tiranes kryeqytet. Ky eshte nje moment per t'u ndalur, kujtuar se cfare ka ndodhur 92 vjet me pare dhe per t'u perulur me nderim, respekt dhe mirenjohje para vepres atdhetare te familjeve te shquara dhe patriote te Tiranes. 100 vjet me pare, askush ne Tirane nuk e dinte se cfare fati e priste kete qytet dhe ne cfare koherash e sfidash do te kalonte. Kane ndodhur shume ndryshime dramatike, por 100 vjet me pas, nje gje ka mbetur e njejte, e konservuar me kujdes ne ndergjegjen dhe qytetarine e ketij qyteti, pasioni dhe dashuria per lirine" eshte shprehur Basha. Duke qene se tashme eshte qytetari i pare i Tiranes, Basha shprehu angazhimin e tij se do te punoje, per ta bere Tiranen, qytetin me mikprites te shqiptareve, shpresen e qytetareve te saj, qytetin e shanseve dhe mundesive me te medha per te gjithe. "Qe nga 1913, Tirana u shnderrua ne qytetin me mikprites te shqiptareve. Per dekada me radhe, Tirana ishte qytet i shpreses per cdo shqiptar, por sot detyra jone eshte qe ta bejme Tiranen shpresen e qytetareve te saj, qofshin autoktone apo te ardhur, banore te perhershem apo te perkohshem, ta bejme ate qytetin e shanseve dhe mundesive me te medha per te gjithe" ka deklaruar kryebashkiaku. Gjithashtu Tirana eshte shenuar si vendi i levizje te medha demokratike, te cilat pasuan me rrezimin e diktatures. "Tirana ishte dhe vazhdon te jete nje qytet i etur per liri. Pikerisht ne kryeqytetin tone ndodhen ngjarjet e medha qe sollen renien e diktatures komuniste, ne sheshin "Skenderbej", aty ku fillimisht kryqezoheshin vetem rruget qe lidhnin viset shqiptare, 22 vjet me pare mori jete endrra jone europiane" eshte shprehur Basha, i cili ka nenvizuar faktin se tashme "Kryeqyteti yne mbetet qendra e gravitetit te shqiptareve, qender e artit, kultures, sportit, shkences, politikes dhe ekonomise. Tirana eshte qytet i bashkejeteses fetare. Kjo eshte sigurisht nje kenaqesi dhe privilegj, por njekohesisht edhe pergjegjesi, pergjegjesi per te qene nje qytet europian, lokomotive ne rrugen e integrimit europian te shqiptareve. 100 vjet pavaresi meritojne nje Tirane europiane".