Berisha: Politika i mohoi zhvillimin Tiranes Eva Gjura

"Perzgjedhja e Tiranes per kryeqytet te kombit ishte nje nga aktet me madhore ne perpjekjet e shqiptareve per te ndertuar te ardhmen e tyre si nje komb i lire", keshtu eshte shprehur dje kryeministri Berisha ne konferencen e organizuar nga bashkia e Tiranes per nder te 92 vjetorit te shpalljes se Tiranes kryeqytet. Gjate fjales se tij, kreu i qeverise ka deklaruar se po kujtohet nje nga datat me te medha te historise se perpjekjeve tona per ndertimin e shtetit, te perpjekjeve tona per liri dhe dinjitet. Kryeministri e ka vleresuar Tiranen si endrra me e bukur e cdo shqiptari. "Kjo eshte nje dite e vecante ne historine e kombit tone, nje akt madhor. Pasi Tirana eshte epiqendra e politikes shqiptare zemra dhe truri i kombit, endrra e shqiptareve. Endrra me e bukur e tyre" tha Berisha. Duke pergezuar kryetarin e ri te Bashkise z. Basha dhe ekipin e tij per punen e perkushtuar ne krye te bashkise, per ti rikthyer Tiranes frymen qytetare brenda nje kohe te shkurter, Berisha tha se pas zhvillimit te 92 viteve me pare dhe perzgjedhjes si kryeqytet, tashme Tirana ndodhet ne zhvillimin e saj te dyte, nje zhvillim qe disa vite me pare politika ia kishte mohuar. "Tirana pret dhe une jam i bindur se ju, me perkushtimin me te madh me ekipin tuaj do ti jepni Tiranes zhvillimin e saj te dyte te madh, zhvillim te cilin fatkeqesite politike ia mohuan asaj" tha kryeministri. Berisha theksoi se, kryeqyteti eshte ne pritje bum-eve te zhvillimeve pasi politika ia ka mohuar keto. "Tirana pret dhe jam i bindur se me perkushtimin me te madh me ekipin tuaj, zhvillimin e madh pasi fatkeqesite politike ja mohuan asaj. Tirana pret vazhdimin e veprave te medha z kryetar" u shpreh kreu i qeverise, duke iu drejtuar Bashes. Gjithashtu ne fjalen e tij, kryeministri, vuri ne dukje se Tirana ishte qyteti i pare qe filloi frymen e nevojshme dhe finalizoi rrezimin e diktatures. "Tirana ra ne kthetrat e nje grupi, e nje bande barbare, e cila u perqendrua ne bllok dhe s'u integrua dot kurre ne qytetin e Tiranes, ndertoi bunkerin e vet, por nuk penetroi dot kurre, ne rruget, rrugicat ,ne mendjen, zemren dhe shpirtin e qytetareve te Tiranes. Vertete nga bunkeri projektoi te gjitha planet dhe veprimet katastrofale, barbare per shqiptaret, por ne rastin me te pare Tirana iu dha pergjigjen e merituar, pasi do te ishte qyteti qe do te permbyste diktatorin, do te udhehiqte Shqiperine, do te themelonte partine e pare opozitare, do te shnderrohej serish ne nje udheheqje te progresit, ne nje promotor te madh te udheheqjes dhe zhvillimit" tha Berisha. Duke u kthyer pas ne kohe, kryeministri tha se, ata qe vendosen shpalljen e Tiranes kryeqytet, bene nje akt madhor ne histori. "92 vjet me pare Sulejman Delvina, Ahmet Zogu dhe anetare te tjere te kabinetit te zgjedhur ne Kongresin e Lushnjes, Kreu kolektiv i shtetit, Imzot Luigj Bumci, Abdi Toptani, Aqif Pashe Elbasani, Mihal Turtulli, moren nje nga vendimet me te mencura ne tere historine tone, vendimin per te bere Tiranen, kryeqytetin e Shqiperise, kryeqytetin e shqiptareve" eshte shprehur Berisha. Kreu i qeverise ka vleresuar figuren e kryetarit te Bashkise se asaj kohe Ismail Ndroqin, i cili ka pritur ne menyren me dinjitoze qeverine e dale nga Kongresi i Lushnjes, per te filluar sa me shpejt punen per drejtimin e vendit.