Basha, kamera sigurie per Tiranen. Rama, ne panik per bashkine
Redinalda Caushaj
Tirane- Ministri i Brendshem, Lulezim Basha prezantoi dje, projektin e sistemit te videosurvejimit per nje kryeqytet te sigurt. Prezantimi i projektit te ideuar me objektivin "Per nje Tirane te sigurt evropiane", u be ne Hotel Tirana, ku moren pjese drejtues te larte te Policise se Shtetit, por edhe drejtues te komisariateve ne kryeqytet, si dhe efektiva policie. Po ashtu ne kete prezantim moren pjese edhe perfaqesues te pushtetit vendor, Ministrise se Arsimit, universiteteve, institucioneve bankare, shoqerive te sigurimeve, shoqerive te biznesit etj. Projekti do te mundesoje vezhgimin pamor me kamera 24 ore ne 24, per gjithe territorin e Tiranes, hyrjet dhe daljet e qytetit, kryqezimet e rrugeve, vendndodhjet e shkollave, ambientet publike e social kulturore, bankat dhe tregjet e biznesit. Projekti i cili synon mbulimin me kamera te Tiranes, perben ne vetvete nje pune te madhe per sigurine ne vend. Ministri Basha theksoi dje se "parandalimi i krimit, zbulimi dhe ndjekja e tij, goditja dhe dokumentimi i tij do te kene nepermjet ketij sistemi mbeshtetjen me te avancuar qe teknologjia bashkekohore ofron sot". Sipas projektit te programuar nga IP, te specializuar, mesohet se informacioni qe ofron sistemi do te percillet ne kohe reale ne qendren operative, e cila e percjell gjithashtu ne menyre te menjehershme tek forcat policore ne terren. Ky sistem vezhgimi do t'i vije ne ndihme edhe sherbimit ambulator shendetesor, sherbimit zjarrfikes dhe sherbimeve te tjera per qytetaret dhe komunitetin. "Ky sistem, do te permiresoje ne menyre te ndjeshme sigurine publike prane shkollave, ambienteve publike, qendrave te biznesit dhe ne rruget e Tiranes, dhe gjithashtu do te operoje ne kushtet e mbrojtjes se privatesise se qytetareve bazuar ne normat dhe standardit e Bashkimit Evropian", tha me tej Ministri i Brendshem. Projekti per vezhgimin e territorit te Tiranes do te filloje menjehere nga zbatimi dhe faza e pare e tij do te perfundoje ne muajin nentor. "Projekti i paraqitur sot eshte gati per zbatim. Do te behet dixhitalizimi i plote i sistemit rrugor. Funksionet e ketij projekti jane te shumellojshme dhe ne sot e finalizojme fazen teknike te tij, sipas parametrave moderne" shtoi Basha. Ky projekt fillimisht do te futet vetem ne kryeqytet, nderkohe qe me pas ai do te adoptohet me tej edhe ne qendra te tjera te medha te vendit, ne Durres, Vlore, Fier, Shkoder, Korce dhe Elbasan. Sipas ministrit Basha, bashkepunimi i policise me komunitetin dhe ne sherbim te komunitetit eshte dhe mbetet rruga e vetme per te shenuar suksesin e ketij projekti per forcimin e metejshem te rendit dhe sigurise publike per qytetaret e Tiranes dhe te gjithe vendit. Ne fund ministri Basha iu beri me dije te pranishmeve se perdorimi ne rritje i teknologjise se informacionit dhe dixhitalizimi i sherbimeve mundesuan arritje te medha per qytetaret shqiptare, nder te cilat me e prekshmja levizja e lire ne zonen Shengen.
Basha: "Vendosmeri per perspektiven evropiane te kryeqytetit shqiptar"
Projekti per sistemin e vidosurvejimit eshte cilesuar "Per nje Tirane te sigurt Evropiane". I pyetur nga mediat per sloganin e vendosur projektit, Ministri Basha ka sqaruar se "Tirane e sigurt Evropiane", ka te beje me aspektin e sigurise. Sipas tij, natyrisht kjo do te ndodhe ne qytetin e Tiranes, ne kryeqytetin e vendit. "Por, ka te beje dhe vendosmerine tone per perspektiven Evropiane te kryeqytetit", ka theksuar dje Basha. Pasi ka vene ne dukje se nje kopje e ketij projekti do te shperndahej me CD, Basha ka kerkuar qe se bashku me kryeredaktoret ta marrin ne konsiderate shpjegimin me informacionin. "Behet fjale per nje projekt historik, i cili do te kete nje impakt te jashtezakonshem, jo vetem ne sigurine, rendin publik dhe sigurine e qytetareve te Tiranes, te femijeve te prinderve neper shkolla, te biznesit, te bankave, por ne teresi ne integrimin e sherbimeve te gjithe sherbimeve qe ofron sot pushteti qendror dhe qe duhet apo do te afroje pushteti vendos", tha ne fund Ministri Basha.