Bashkepunimi policor, se shpejti oficer nderlidhes ne Lion

Tirane-Drejtori i Policise se Shtetit, Hysni Burgaj, ka zhvilluar te parin takim pas emerimit te tij ne kete detyre, me homologun e tij francez Frederik Pechenard.

Ne kete takim, Burgaj dhe Pechenard vleresuan ecurine e deritanishem te bashkepunimit policor, si ne nivelin teknik, ashtu dhe ne ate operacional. Kreu i policise franceze, vleresoi rezultatet konkrete te arritura nga bashkepunimi policor mes dy vendeve, vecanerisht ne goditjen e trafikut te automjeteve, te trafikut te qenieve njerezore, etj. Ai ofroi mbeshtetje per trajnimin e specialisteve te strukturave te ndryshme te policise shqiptare. Nderkohe drejtori i Pergjithshem i Policise se Shtetit, Hysni Burgaj tha se strukturat e policise jane te vendosura per te luftuar me zero tolerance krimin, ne te gjitha format e tij dhe vecanerisht krimin e organizuar. Duke vleresuar rendesine e bashkepunimit ndermjet strukturave policore te dy vendeve, ai tha se se shpejti do te caktohet oficeri nderlidhes i policise shqiptare ne Lion, i cili do t'i sherbeje rritjes se ketij bashkepunimi. Takimi i djeshem, u zhvillua ne kuader te vizites zyrtare dyditore qe Burgaj po zhvillon ne France, ne krye te nje delegacioni te Policise se Shtetit.