Bashkia, gjobe nese ndot Tiranen me balte

Gjoba per pastertine e Tiranes. Nuk ka menyre tjeter per te ruajtur te paster mjedisin ne kryeqytet, pervecse aplikimit te gjobave. Me kete logjike, bashkia e Tiranes ka vendosur qe te denoje cdo shkeles, qe ndot apo demton hapesirat publike kryeqytetase. Drejtoria e Kontrollit mbi Territorin prane bashkise me te madhe ne vend, ka gati tashme edhe listen e shkeljeve dhe vleren e penaliteteve per secilin nga demtimet e hapesires publike te kryer, qofshin keto subjektet e medha apo ato te vogla tregtare. Keshtu, gjobat per kundravajtjet sipas natyres qe do te kete secila prej tyre variojne nga 2 mije deri ne 100 mije leke te reja. Ne krye te listes qendron ndotja me balte e rrugeve dhe trotuareve gjate transportit te lendeve te para apo punimeve ne kantieret e ndertimit. Zakonisht penalitetet per raste te tilla pritet te perfshijne kompanite e ndertimit, te cilat jo ne pak raste jane akuzuar se po shkaktojne nivel te larte te ndotjes se mjedisit. Sipas specialisteve te Agjencise Rajonale te Mjedisit ndertimet ne kryeqytet, shkaktojne ndotjen me te madhe te mjedisit. Ndonese firmat e ndertimit kane "reflektuar" disi ne kete aspekt, serish gjendja duket shqetesuese. Sipas specialisteve, shkak per kete ndotje te vazhdueshme behet mosplotesimi i kushteve mjedisore. Nese te gjitha firmat e ndertimit do te perpiqeshin me shume per ta mbajtur mjedisin te paster, niveli i ndotjes se tokes dhe ajrit do te ishte disa here me e ulet. "Zbatimi i ketyre kushteve le per te deshiruar dhe per kete shkak, ne perballemi me pluhur ne dite me diell dhe me balte ne ditet me shi", tregojne ekspertet e fushes. Ndotesit me te medhenj te Tiranes jane ndertuesit ne komunat Farke, Dajt, Kashar, ku edhe ndertimet jane me te shumta, megjithate nuk mbeten prapa edhe lagjet prane qendres. Sipas eksperteve duhet qe te zbatohen nje sere kushtesh ne menyre qe te mos kemi ndotje te mjedisit. Keshtu, ne kushtet e ndertimit te objekteve te medha, duhen zbatuar nje sere procedurash, per te shmangur tejndotjen e mjedisit. Keto detyra, kane te bejne me lagien sistematike te rruges, ne menyre qe te mos krijohen re pluhuri qe ndotin mjedisin dhe shendetin e njerezve. Po ashtu, kerkohet vazhdimisht firmave te ndertimit qe te shpejtoje punimet dhe te zbatoje afatet kohore per realizimin e ketij projekti. Nga ana tjeter, disa masa qe mund te ulin shkallen e ndotjes, kane te bejne me mbulimin dhe larjen e kamioneve qe levizin duke transportuar inertet.

Tabele

Masat qe duhet te marrin subjektet ndertuese:

Te administrojne mbetjet qe gjenerohen gjate ndertimit

T'i largojne ato cdo dite nga sheshi i ndertimit

Transporti i tyre te behet ne oret me trafik te lehtesuar

Mbetjet te transportohen me makina te mbuluar qe nuk rrjedhin

Te lahen gomat e automjeteve para daljes nga sheshi i ndertimit

Zbatimi i afateve kohore per realizimin e ndertimit