Bayern, tre gola ndaj Unionit dhe kryesim me Dortmundin

Bayern i lë targën Union Berlin duke e mposhtur me një rezultat të pastër 3-0 në sfidën e luajtur në “Allianz Arena”. Një përballje direkte e vlefshme për për javën e 22-të të Bundesligës. Të besuarit  e Nagelsmann vendosin të drejtojnë operacionet që në fillim, duke shuar entuziazmin e berlinezëve me zotërimet e gjata të topit. Më pas, në çerekun e fundit të pjesës së parë, kampionët e rritën ritmin.

Në minutën e 31-të ishte Choupo-Moting ai që dërgoi në rrjetë asistimin e Coman. Francezi më pas finalizoi për të dyfishuar nëntë minuta më vonë, duke shfrytëzuar maksimalisht pasimin vendimtar të Thomas Müller. Sulmuesi luan edhe një herë rolin e finalistit në fund të fraksionit të parë për 3-0 të nënshkruar nga Musiala. Në pjesën e dytë, miqtë duket se ndjejnë presionin e Allianz Arena-s dhe në asnjë moment nuk mundën të shqetësojnë shumë kundërshtarin.

Nga ana tjetër, bavarezët administruan epërsinë e trefishtë gjatë gjithë pjesës së dytë dhe morën në shtëpi një fitore thelbësore për të vazhduar garën për titull. Në fakt, Bayern rikthehet në vendin e parë me 46 pikë së bashku me Borussia Dortmund. Ky nokaut i rëndë, nga ana tjetër, dobëson momentin e Union Berlin, i cili mbetet i dyti në 43 pikë, i ndjekur nga afër nga Leipzig, në fakt i katërti me -1.