Bayerni humbet një tjetër lojtar, dëmtohet edhe Davies

Lajme të këqija vijnë për Bayernin e Mynihut nga grumbullimet e ekipeve kombëtare. Pas Manuel Neuerit, një tjetër lojtar i bavarezëve dëmtohet në një moment delikat të sezonit.

Alphonso Davies iu desh të largohej nga fusha herët në ndeshjen e Ligës së Kombeve të Concacaf midis Kanadasë dhe Shteteve të Bashkuara për shkak të një problemi në gju.

Akoma nuk janë kryer vizitat e specializuar, por lojtari rrezikon të humbasë ndeshjen e dyfishtë të Champions League kundër Interit.