Benatia, i lumtur në Udinese

Mbrojtësi i Udineses, Mehdi Benatia ka insistuar se është i lumtur në klub pas spekulimeve rreth interesimit nga Arsenali.

Benatia ka shkëlqyer me paraqitjet e tij këtë sezon, derisa Udinese është aktualisht në pozitën e katërt në Serie A.

Së fundmi spekulohej se Arsenali ka filluar të përcjellë paraqitjet e tij, por Benatia ka theksuar se nuk planifikon të largohet nga Udinese.

“Jam i lumtur në Friuli dhe mendoj vetëm për Udinesen. Kam nënshkruar kontratë pesëvjeçare dhe nuk dua të largohem para skadimit të saj”, tha ai gjatë një konference për shtyp.