Berisha-Braçes: Mos e ngatërroni biznesin me politikën

Mos e ngatërroni biznesin me politikën dhe mos sulmoni kompanitë e huaja të naftës në Shqipëri. Kështu i është përgjigjur Kryeministri Berisha akuzave të deputetit të PS-së Erion Braçe se sektori i naftës është në krizë.
Berisha gjithashtu ka theksuar se të gjitha kontratat me kompanitë e naftës janë firmosur nga qeveria socialiste dhe se opozita nuk duhet t'i ngatërrojë këto kompani me politikën.
"Mos sulmoni aksionet e një kompanie pasi nuk ka qëllim më të shëmtuar dhe më anti-kapitalist theksoi Berisha duke shtuar se Shqipëria nuk ka humbur nga suksesi i këtyre kompanive në tregjet ndërkombëtare.