Rezoluta, Meta: Opozita të bashkëpunojë për ta zbatuar

Zv. kryeministri dhe njëkohësisht ministri i jashtëm Ilir Meta i ka bërë sërish thirrje opozitës që të bashkëpunojë për të implementuar rezolutën e PE-së për Shqipërinë.

Në një prononcim për mediat Meta ka theksuar se rezoluta e PE-së shpreh qartë edhe rrugën mbi të cilën duhet të ecë Shqipëria dhe qeveria pret bashkëpunimin e opozitës për ta zbatuar atë.

Meta duke përshëndetur edhe thirrjen e kryeministrit Berisha për një bashkëpunim me opozitën theksoi se ajo që mbetet është vetëm vullneti politik për ta zbatuar këtë rezolutë.