Berisha: Do te ulen serish taksat per bizneset Eva Gjura
Qeveria shqiptare eshte e vendosur te ule edhe me tej taksat per investitoret e huaj dhe vendas. Kete garanci grupet e biznesit e kane marre dje nga Kryeministri Berisha, ne konferencen mbi zhvillimin e sektorit te hidroenergjise ne Shqiperi, "Hydro solutions for Albania", e organizuar nga grupi austriak Andritz Hydro, me pjesemarrjen e perfaqesuesve te sipermarrjeve vendase e te huaja ne fushen e energjise. Gjate fjales se tij, Kryeministri u shpreh se, megjithese Shqiperia renditet nder vendet qe ka barren me te ulet fiskale, qeveria eshte duke menduar per te bere lehtesira te tjera fiskale e procedurale ne favor te investitoreve. "Ne kemi ecur se bashku, me vendosmeri, drejt zvogelimit gjithnje e me te madh te ngarkesave e barrierave burokratike mbi biznesin. Sot, Shqiperia ka nje prej 10 qeverive me doreshkurter ndaj biznesit. Une ju garantoj se ne do te bejme cdo gje, per ta shkurtuar edhe me tej nderhyrjen qeveritare, administrative ne drejtim te biznesit. Serish ka hapesira per t'i permiresuar dhe ne do te bejme cdo gje, per te lehtesuar barren burokratike mbi ju", - eshte shprehur Berisha. Ne diskutimin e tij, kreu i qeverise e ka vene theksin tek modeli i suksesshem ekonomik i Shqiperise, i cili i rezistoi krizes globale, pasi eshte i bazuar teresisht ne lirine ekonomike, duke sjelle rritje te ekonomise. "Ky model ekonomik qe ka bere qe Shqiperia t'i rezistoje krizes me te ashper qe Europa ka njohur keto vitet e fundit. Ka qene ky model ekonomik i bazuar ne lirite ekonomike, qe ka bere te mundur qe Shqiperia te kete rritje ekonomike 4 here me te madhe sesa mesatarja e rajonit. Ka qene ky model qe ka bere te mundur qe Shqiperia ne 2009-2011 te dyfishoje eksportet. Ka qene ky model qe Shqiperia te rrise ne periudhen 2007-2011 me 316 per qind investimet e huaja", - deklaroi Kryeministri. Duke shprehur mirenjohjen per investitoret austriake ne vend, shefi i qeverise tha se Shqiperia eshte nje superfuqi e rinovueshme ne rajon dhe investimet e huaja jane ceshtje besimi. "Ne jemi nje Norvegji e vogel ne Ballkan. Ne kemi firmosur 120 kontrata per ndertimin e 320 HEC-eve. Ne do te inaugurojme vepren me te bukur energjetike, HEC-in e Ashtes, nje kryeveper te mbrojtjes te mjedisit. Energjia eshte prioriteti me madhor dhe une ju garantoj qe investitoret kane vleresim me te madh nga qeveria ime", - vijoi me tej ai, duke garantuar qe do te beje gjithcka qe projektet te jene nje histori suksesi dhe duke nxitur me tej iniciativen e lire.