Berisha: Ekonomia shqiptare shpresëdhënëse, do rrisim pagat dhe pensionet

Kryeministri Sali Berisha ka paraqitur në seancën e sotme treguesit kryesor të ekonomisë shqiptare në tremujorin e parë duke theksuar se ekonomia shqiptare paraqitet entuziaste, dinamike dhe shpresëdhënëse.
"Unë jam i bindur se këta tregues kanë një rëndësi të madhe për të paktën 820 mijë familje që e kanë buxhetin e tyre të bazuar në rroga dhe pensionet dhe këto tregues i japin mundësinë qeverisë të mbajë premtimin për rritjen e rrogave dhe pensioneve" theksoi Berisha.
Sipas tij një rritje kanë pësuar eksportet me 144 përqind, sektori minerar dhe sektori i vajrave industrialë.
Gjithashtu Berisha theksoi se investimet do vazhdojnë sipas parashikimeve duke premtuar se do të ndërtohet edhe boshti i jugut.