Berisha: Ironizon programin e PS, kerkon kthimin ne komunizem
Kryeministri Berisha ishte sot i pranishem ne ceremonine e perurimit te impiantit te perpunimit te mbetjeve metalike, nje investim i huaj me vlere 8 milione euro, e vendosur ne Xhafzotaj te Durresit. Gjate ketij inaugurimi, kryeministri ka ironizuar programin e Partise Socialiste, duke e konsideruar ate si nje kthim ne endrren e keqe te shqiptareve. "Ata qe mendojne rikthimin e sistemit te taksave te sistemit socialist, jetojne me endrra te keqija. Socializmi nuk ishte realiteti me i hidhur i ketij vendi, por ishte edhe endrra me e keqe kombetare ne historine e ketij vendi. I kundert eshte qendrimi yne. Ne vazhdojme te bejme gjithcka per te lehtesuar dhe per te zgjeruar lirine tuaj ekonomike"- u shpreh Berisha. Kryeministri e konsideroi ndertimin e ketij impianti nje investim te rendesishem, qe me perdorimin e teknologjise me te mire per trajtimin dhe riciklimin e mbetjeve metalike, me nje produkt final njeqind per qind te pademshem, sjell nje kontribut tjeter ne zhvillimin e industrine se riciklimit ne vend. Kreu i qeverise tha se industria e riciklimit eshte nje industri jetike per mbrojtjen dhe zhvillimin e mjedisit, mbajtjen e nje mjedisi te shendetshem, por edhe nje industri qe puneson nje numer te konsiderueshem punetoresh. "Njeheresh,- theksoi kryeministri,- ky investim, ne kohen e krizes qe ka pllakosur vendet e rajonit e me gjere, deshmon per besimin e investitoreve te huaj te Shqiperia dhe politikat ekonomike dhe fiskale te qeverise shqiptare. Shqiperia ofron potenciale te jashtezakonshme investimi, nderkohe qe ne vitet 1997-2005, investimet e huaja ketu ishin qesharake, per te mos thene inekzistente. Qeveria ime u angazhua para shqiptareve ta shnderronte Shqiperine ne vendin me terheqes per investimet e huaja. Ne vendosem te bejne gjithcka, qe Shqiperia te jete vendi me terheqes per investimet e huaja. Dhe, te dashur miq, vitin qe kaloi, Shqiperia ishte i vetmi vend ne rajon me rritje te investimeve te huaja. Premtimi yne i veshtire u be realitet",- tha kryeministri. Ai beri te ditur se investimet e huaja ne Shqiperi u bene te mundura pas revolucionit fiskal qe ndermori qeveria, duke vendosur barren me te ulet te taksave ne Evrope. Edhe njehere, kryeministri ka garantuar te gjithe biznesmenet qe duan te investojne ne Shqiperi, se qeveria eshte e vendosur te permiresoje me tej te gjithe kuadrin ligjor, ne menyre qe investitore vendas e te huaj, te regjistrojne histori suksesi.