Berisha: Me Ramen do te takohem vetem ne Sharre
TIRANE - Kryeministri Sali Berisha ftoi dje kundershtarin e tij, kryebashkiakun Edi Rama per nje takim ne Sharre. Duke vijuar debatet e replikat ne distance me kreun e selise roze, Berisha ju pergjigj dje ne menyre ironike fteses se bere ne te njejten menyre dy dite me para nga Rama, per te marre pjese ne perurimet e Bashkise, Tirane. "Mund te shkoj ne Sharre, se eshte investim me fondet e qeverise. Te vije edhe zoti Rama ne Sharre qe eshte me fondet e qeverise, me pas shkoj une diku, ku perurimi behet me fondet e bashkise", iu pergjigj fteses kryeministri. Ai uroi qe nga kreu i Bashkise, Rama te behen sa me shume perurime, pasi ato jane interesi me i mire i qytetareve, por sipas Berishes ato nuk jane te verteta. "T'u deklarosh banoreve se do te shtrosh 62 rruge, me 1.8 milion dollare, duhet te kesh matematiken e zotit Rama qe te besh nje deklarate te tille. Megjithate, edhe nje here, e pergezoj dhe uroj qe te kete sa me shume inaugurime dhe per kete qellim i kemi dhene dhe po i japim Tiranes 240 milion dollare", vijoi kreu i qeverise. Sipas tij, beteja politike eshte beteje politike, por jane perurimet e ndertimet ato qe ndryshojne jeten e perditshme te qytetareve. Kritikat ne vijim ndaj kryebashkiakut Rama, Berisha i beri dje gjate perurimit te fillimit te punimeve per rikonstruksionin e shkolles 9- vjecare ne Vore. Nje investim ky i buxhetit te shtetit me vlere 45 milion leke. Shkolla do te pajiset me mjedise te standardeve bashkekohore, sistem ngrohjeje, kabinet informatike dhe palester. E ne kete pike, Berisha gjeti serish vend per te bere krahasim se kreu i Bashkise Tirane nuk ka ndertuar asnje shkolle te mesme ne kryeqytet. "Dua ta pergezoj kryetarin e Bashkise se Vores sepse ndertimi i nje shkolle eshte hapja e nje oazi te dijes se nje shoqerie. Por dua te shpreh dhimbjen dhe keqardhjen se ne Tirane nuk eshte ndertuar ndonje shkolle e mesme, perkundrazi tek shkolla "Misto Mame" cdo tre vjet priten shirita inaugurimi per te njejtin motiv", theksoi kryeministri. Sipas tij, Tirana ka nevoje jo per deklarata ne leter, jo per statistika te paqena, por per shkolla dhe qeveria i ka dhene Tiranes 2 miliard leke per 18 shkolla. "Zoti Rama duhet t'u thote qytetareve se ku jane shkollat me kredine e qeverise. Ne nuk po kerkojme llogari per fondet e bashkise, se ate duhet ta beje keshilli Bashkiak, por kjo eshte kredi e qeverise", theksoi Berisha. Kryeministri tha se nje pergjigje te tille nga Rama nuk ka per ta marre. "Bukvalet qe kryetari nxjerr cdo dite ne treg nuk i hane," u shpreh Kryeministri. Nga ana tjeter Berisha theksoi se arsimi eshte perparesi absolute dhe qeveria do te beje cdo perpjekje per modernizimin e sistemit arsimor. Sipas tij, nje nga drejtimet me te rendesishme te punes, eshte pajisja e te gjitha shkollave te vendit me kabinet informatike dhe bibliokteke. "Ne do te shtrime ne te gjitha shkollat e vendit biblioteken, se bashku me ate virtuale dhe laboratoret e informatikes. Shkollat tona duhet te kene librat me te mire te letersise shqipe, te shkrimtareve dhe poeteve tane me te mire, sikunder edhe emra te njohur te letersise boterore", vijoi premtimet kryeministri.