Berisha: Një javë para zgjedhjeve të 2021, Basha më foli për koalicion me PS nëse nuk fitonte

Ish-kryeministri Sali Berisha ka akuzuar ish-kryedemokratin Lulzim Basha se i ka folur për koalicion me Partinë Socialiste, në zgjedhjet parlamentare të vitit 2021.

I ftuar në emisionin “Publikisht” të Blerta Tafanit në RTSH, Berisha tha se Basha i kishte shkuar me një propozim të tillë vetëm 1 javë para zgjedhjeve, teksa thotë se ai e kishte refuzuar një gjë të tillë.

“Më erdhi ky një javë para zgjedhjeve dhe më tha çfarë mendon ti për një koalicion nëse nuk fitojmë zgjedhjet? I thash absolutisht jo, kjo është si t’i vësh vendit një saç korrupsioni sipër dhe merr fund gjithçka. Më tha po sikur të ndodhë? I thash unë do dal me gjithë pushtetin tim moral kundër”, tha Berisha.

/rtsh.al/