Berisha Shumica ne Shqiperi ka bere te gjitha perpjekjet per kompromis

Kryeministri Sali Berisha tha sot se shumica e drejtuar prej tij ka bere te gjitha perpjekjet e mundshme per arritjen e nje kompromisi te lidhur me pretendimet e opozites sic u shpreh ai per ceshtjen e hetimit te zgjedhjeve.

Zoti Berisha i beri keto komente gjate nje konference shtypi ne Bruksel ku ai mori pjese ne nje takim per Ballkanin te organizuar nga Partia Popullore Europiane grupim i se djathtes europiane.

Zoti Berisha theksoi se ka bere shume leshime duke kujtuar se zgjedhjet e qershorit te kaluar sipas raportit te Osbe-Odihr-it arriten pjesen me te madhe te stadardeve dhe se ne to nuk u regjistruan manipulime.

Kryeministri tha me tej se i kishte propozuar opozites gjithcka ne baze te ligjit dhe kushtetutes duke perseritur se asnje parti apo qeveri nuk mund te sfidonte gjykatat ne Shqiperi. Ai deklaroi se qeveria garanton se te gjithe shqiptaret do te votojne si ne vendet e lira europiane.

Komentet e kryeministrit Berisha vijne pak dite pasi nga partia socialiste eshte deklaruar publikisht terheqja nga cdo kerkese qe lidhet me fletet e votimit. Nje pozicion i cili dje u pershendet dhe nga zyra e komisionerit per zgjerimin Stefan Fyle. Por kryeministri dje ne Tirane evitoi komentet e drejtperdrejta duke u shprehur se me pare kerkon ta shohe kete oferte te opozites.