Berisha Ta shnderrojme 8 Majin ne diten e plebishitit te qytetareve

“Do ta bëjmë Vlorën një qytet modern të zhvilluar”.

Kështu është shprehur nga qyteti bregdetar, kryeministri Berisha gjatë ceremonisë së prezantimit të kandidatit për kreun e Bashkisë, Ardian Kollozi.

“Shndërrim në realitet i ëndrrës për Vlorën, do të jenë 4 vitet e ardhshme”, tha ai.

Duke shtuar se Vlora do të bëhet një qytet i zhvilluar, në kuadrin e një Shqipërie si vend i zhvilluar.

“Sot jemi anëtarë të një vendi të lirë. Sot jemi anëtarë të NATO-s.

Ne bëmë realitet ëndrrën e lëvizjes së lirë dhe ëndrrat e shqiptarëve”, tha ai.

Ndërsa në lidhje me zgjedhjet e 8 Majit, Berisha u shpreh se ato nuk duhet të jenë një verdikt për të shkuarën, por një zgjedhje për të ardhmen.

“Më 8 maj, ju vendosni qytetarin e vizionin e tij.

Më 8 maj do zgjidhni Vlorën e biznesit.

Më 8 maj do zgjidhni e prodhimit të fuqishëm industrial. Më 8 maj votoni për Vlorën kryeqytet i Kombit”, tha Berisha.

Duke përfunduar se duhet ta shndërrojmë 8 majin në ditën e plebishitit të qytetarëve.