Besa firmos me Betim Aliun
www.albania-sport.com - Besa, fituesja e Kupës së Shqipërisë dhe pjesëmarrëse në turin e dytë eliminator të Ligës së Europës, ka arritur një marrëveshje paraprake me shqiptarin nga Maqedonia, Betim Aliu, 20 vjeç.
Mesfushori i krahut të djathtë, një lojtar i Kombëtares U-21 të Maqedonisë, më parë ka veshur fanellën e Metalurgut të Shkupit dhe sezonin e fundit ka luajtur në Finlandë me Kupsin.
Aliu është futbollisti i dytë që mbërrin këtë sezon nga Maqedonia dhe përkatësisht nga Metalurgu i Shkupit, pasi më parë Besa ka arritur marrëveshjen me mbrojtësin Dimitrija Lazarevski.
Presidenti Bizhdili ka gjetur gjuhën e përbashkët edhe me disa nga yjet e skuadrës: portierin dhe kapitenin Orges Shehi, mesfushorin Artion Poçi dhe fantazistin Bledi Shkëmbi.
Pak ditë më parë bosi verdhezi konfirmoi vazhdimësinë e lojtarëve kavajas të skuadrës verdhezi: Meglid Mihani, Sokol Cikalleshi, Erand Hoxha, Ariel Shtini dhe Saimir Celhaka.
Fituesja e Kupës së Shqipërisë ka në fokusin e saj edhe mbrojtësin kroat Matko Djarmati.
Edhe pse u fol në media, ende nuk ka ndonjë firmë të sulmuesit të Gramozit, brazilianit Markos Dos Santos, si dhe të kapitenit të Gramozit, Liridon Kukaj.
Besa pret të rikthejë dhe lojtarët e huazuar sezonin e kaluar te skuadrat e tjera: Taulant Guma, Gëzim Krasniqi, Bruno Okshtuni dhe Daniel Roshi.
Të larguar nga Besa janë sulmuesit Vioresin Sinani (përfundim kontrate), Daniel Xhafaj (përfundim kontrate dhe i kaluar te Shkumbini).
Në largim e sipër janë sulmuesi Bledar Mancaku, ndërkohë që mbrojtësi Renato Arapi është në kërkim të një aventure jashtë shtetit
BESA NË MERKATO
Të ardhur:Dimitrija Lazarveski (Metalurg i Shkupit, Maqedoni), Betim Aliu (Kupsi, Finlande),
Rinovim:Orges Shehi (përtëritje kontrate), Bledi Shkëmbi (përtëritje kontrate), Artion Poçi (përtëritje kontrate),
Konfirmime:Meglid Mihani, Sokol Cikalleshi, Erand Hoxha, Ariel Shtini, Saimir Celhaka
Të larguar:Vioresin Sinani (përfundim kontrate), Daniel Xhafaj (përfundim kontrate, te Shkumbini)
Në fokus: Markos Dos Santos (Gramozi), Liridon Kukaj (Gramozi) Matko Djarmati (Kastrioti)
Burimi: Albania-sport.com
Kliko per te na ndjekur ne Twitter
E Hene, 07 Qershor 2010
Shto dhe ti komentin tend Emri dhe e-maili