“Beteja” për regjistrimin e statutit të PD-së së Bashës/ Shtyhet seanca, Rithemelimit i kërkohet prokurë përfaqësimi

Është shtyrë për në datën 25 tetor seanca për regjistrimin e statutit të Partisë Demokratike të përfaqësuar n ga Lulzim Basha.

Ka qenë përfaqësuesi ligjior Indrit Sefa ai i cili ka deklaruar se “Rithemelimi” nuk duhet të jetë palë në proces, por Çlirim Gjata ka thënë se ka qenë grupimi i Bashës ai që hyri si palë e tretë, kur çështja për vulën dhe logon ishte në Apel.

“Këta hynë si palë e tretë në Apel. U pranuan si palë. Ndërsa tani, ankohen pse duam të behemi pjesë si palë e tretë. Unë vlerësoj qëndrimin e gjykatës, që po e shqyrton këtë ccështje pa vonesë, sepse iu intereson edhe ketyre  Nëse këta duan ta zvarrisin, ok pastaj”, tha përfaqësuesi i Rithemelimit Çlirim Gjata.

Por gjyqtari i çështjes Niko Rrapi ka pyetur Çlirim Gjatën sa kohë iu  duhet për të bërë prokurorën e përfaqësimit konform ligjit. Gjata kërkon kohë deri të mërkurën e ardhshme

Në këto kushte,  Gjykata vendos që seanca e radhës do të zhvillohet në datën 25 tetor ora 10:00

Gjykata ju bëri thirrje palëve që të mos zvarritet procesi dhe të marrim masat që të respektohet natyra proceduriale nga ana e tyre.