Betohet qeveria e re izraelite, nëntë gra ministre

Naftali Bennett, udhëheqësi 49-vjeçar i partisë së ekstremit të djathtë ”Yamina”, u betua si kryeministri i ri i Izraelit.

Bennett, një ish-ministër i Mbrojtjes, mori detyrën disa minuta pasi 120 deputetë të Knessetit votuan në favor të qeverisë së tij prej tetë partish të koalicionit.

Votimi me 60 vota pro dhe 59 kundër i dha fund pushtetit 12-vjeçar të Benjamin Netanyahu si kryeministër.

Kishte vetëm një abstenim në këtë votim.

Qeveria e re do të përfshijë 27 ministra, nëntë prej të cilëve gra.

Sipas një marrëveshjeje rotacioni, Bennett do të shërbejë si kryeministër për dy vjet dhe më pas do të pasojë Yair Lapid i partisë së qendrës, Yesh Atid. /ATSH