Biden: Duhet një përgjigje ndërkombëtare për Bjellorusinë

Shtetet e Bashkuara të Amerikë dënojnë me forcë devijimin e fluturimit të ”Ryanair” për në Bjellorusi për të lejuar arrestimin e gazetarit Roman Protasevich, deklaroi presidenti i SHBA Joe Biden, i cili mirëpret kërkesën e BE për sanksione ekonomike.

“Unë i kërkova ekipit tim të studionte opsionet e përshtatshme për ata që ishin përgjegjës”, shtoi Biden duke bërë thirrje për “një hetim ndërkombëtar mbi incidentin”.

“Ne nuk e durojmë që ruleta ruse të luhet me jetën e civilëve”, deklaroi presidenti i Këshillit Evropian Charles Michel, duke paraqitur sanksionet kundër Bjellorusisë për “ngjarjen skandaloze që ndodhi”.

“BE dënon aktivitetet e paligjshme, provokuese dhe destabilizuese të Rusisë kundër BE dhe shteteve të saj anëtare”, u tha në përfundim të një debati mbi marrëdhëniet me Moskën./ATSH