“Bie” emigrimi i shqiptarëve drejt Britanisë, The Sun publikon shifrat: 29 persona kaluan kanalin gjatë 2023-shit

1099 shqiptarë kanë shkuar në Britani gjatë 3 muajve të fundit të vitit 2022, ndërsa 29 shqiptarë kanë kaluar Kanalin e La Manshit gjatë 3 muajve të parë të 2023-shit.

Sipas The Sun, rreth 500 emigrantë të paligjshëm janë kthyer deri më tani në Shqipëri, pas vendimit të Kryeministrit britanik Rishi Sunak për ndalimin e gomoneve dhe emigrantëve të paligjshëm.

“Numri i shqiptarëve që bëjnë kalime të rrezikshme me varka të vogla drejt Britanisë së Madhe është ulur me fillimin e një skeme largimi të shpejtë”, thuhet në artikullin e The Sun, e cila i është referuar shifrave të Home Office.

Kryetari i Migration Watch, Alp Mehmet ka deklaruar se shqiptarët e kanë marrë mesazhin e Britanisë dhe kryeministrit Sunak, se nëse mbërrijnë në Mbretërinë e Bashkuar përmes La Manshit apo në rrugë ilegale, do të kthehen.

“Duket se kancelarët shqiptarë mund ta kenë marrë mesazhin – nëse vini ilegalisht nuk do të mund të qëndroni. Tani le t’ua kalojmë të tjerëve, prej të cilëve numri më i lartë në një ditë këtë vit arriti në fundjavë”, tha Mehmet.

Shifrat e Home Office zbuluan se kishte 909 afganë që kanë mbërritur në Britani, rreth 24 për qind e totalit, dhe 675 indianë që mbërritën me varka të vogla.

Deputeti konservator, Kevin Foster, tha se shifrat tregonin se shpërthimi po “prodhonte rezultate”, duke shtuar se ishte thelbësore që Projektligji i Migrimit të Paligjshëm të kalonte përmes Commons.

/rtsh.al/