Bie intensiteti i reshjeve në qarkun e Gjirokastrës, akset kombëtare të kalueshme, si paraqitet situata

Situata nga reshjet e shiut ka përmirësim të ndjeshëm në qarkun e Gjirokastrës. Sipas të dhënave nga terreni, reshjet e shiut  kanë vazhduar me intensitet mesatar deri në të lartë të shoqëruara me shkarkime atmosferike gjatë natës, ndërsa aktualisht intensiteti i tyre ka rënë.

Nga informacionet e siguruara nga Drejtoria Vendore e Policisë, mësohet se akset rrugore kombëtare në territorin e qarkut janë të qarkullueshme. Problem mbetet bllokimi i aksit rrugor Suhë-Poliçan në bashkinë Libohovë për shkak të dëmtimit të një ure në dalje të fshatit Suhë. OSHEE informon se problematika ka shfaqur furnizimi me energji i njësisë administrativ. Dropull i Poshtëm, Bashkia Dropull dhe po punohet për eliminimin e avarisë.

Niveli i Vjosës në pikëmatjen e urës së Memaliajt është 7.1 metër, larg pikës kritike që është 8 metër dhe niveli i ujit në urën Përmet është 6.5 metër.