Bie nga lartesia, vdes nje punetor 19-vjeçar

Bie nga lartesia, gjen vdekjen nje punetor ndertimi. Ngjarja e rende mesohet te kete ndodhur pasditen e se premtes ne fshatin Poshnje, kur Xhevit Braushi, 19 vjeç, teksa punonte ne nje ndertese katerkateshe ka rene nga objekti dhe per pasoje ka gjetur vdekjen.

Burime nga spitali rajonal i Beratit pohojne se ne oren 17:00 te dites se premte, prane repartit te urgjences, eshte paraqitur 19-vjeçari Braushi, i cili paraqiste fraktura te renda.

Ndonese i eshte nenshtruar nderhyrjes kirurgjikale, i riu nuk ka mundur ‘ti mbijetoje traumave te shkaktuara prej renies nga lartesia dhe ka nderruar jete pak minuta me pas.

Sipas deshmitareve te ngjarjes, 19-vjeçari ishte nga fshati Velagosht, i Kuçoves dhe prej disa kohesh punonte ne nje brigade qe merrej me izolimin e banesave.

Per nje moment 19-vjeçari ka humbur ekuilibrin dhe ka rene ne toke nga nje lartesi prej 13.2 metrash. Prane tij kane qene shoket e punes, te cilet e kane nisur urgjent per ne spitalin rajonal.

Nderkaq pas sinjalizimit, ne vendngjarje ka shkuar nje grup ekspertesh te policise, te cilet kane keqyrur vendin e ngjarjes dhe kane marre deshmite e shokeve te tij te punes.

Policia po punon per gjetjen e shkaqeve te ketij aksidenti.