Bie perandoria "Playboy"

Pas 56 vjetesh, pronari i "Playboy" Hugh Hefner, mund te ndahet nga revista e cila i mundesoi pasurimin, e per me teper edhe rrethimin e perhershem nga femra te bukura, edhe pse tashme ne moshen 83-vjecare. Ndonese vete Hefner, ende nuk eshte deklaruar zyrtarisht per shitjen e revistes, duket se ka subjekte te interesuar per blerjen e saj. Mes tyre eshte edhe kompania britanike "Virgin Media", me themeluesin e saj ekscentrik Richard Branson. Nje zedhenesi i "Playboy" deklaroi se ka ardhur tashme nje oferte prej 230 milione dollaresh, por do te shqyrtohen seriozisht te gjitha ofertat e paraqitura. Arsyeja e shitjes mbetet gjithsesi fakti se, recesioni ka cuar respektivisht ne renien e shitjes. Pak kohe me pare, vete Hugh deklaroi se po shet vilen e tij prej 28 milione dollaresh, ne te cilen jetojne aktualisht, ish-bashkeshortja e tij Kimberly Conrad Hefner, si dhe djemte Marston dhe Cooper, te cilet studiojne ne fakultet. Megjithate, Hefner duket te kete nderruar mendje ne lidhje me shitjen e saj, por nuk dihet nese ai do te nderroje mendje edhe sa i perket revistes "Playboy". Ne tremujorin e pare te ketij viti, perandoria e themeluar me shume se gjysme shekulli me pare nga 83-vjecari amerikan, ka humbur plot 10 milione euro, shifer rreth tre here me e larte, krahasuar me vitin e shkuar. Si mase ndaj kesaj humbjeve te konsiderueshme, Hefner ndermori pushimin nga puna e te pakten 25 per qind te personelit. Sipas tij, faji i mbetet pornografise se shumte dhe pa kurrfare pagese qe qarkullon ne internet, qe ka shenuar ulje te shitjes se revistes, e cila ne vitet '70 ishte leximi i preferuar per studentet ne gjysmen e botes. Pavaresisht kesaj, edhe sot e kesaj dite, "Playboy" mbetet ne SHBA revista me e shitur per meshkuj.