Bino: Rama, cliro Tiranen nga trafiku dhe pluhuri Rozeta Rapushi

Keshilltaret e Partise Demokratike ne Keshillin Bashkiak te Tiranes, i bene thirrje kreut te Bashkise, Edi Rama, t’i cliroje trafikun dhe te zgjidhe pluhurin e renduar ne kryeqytet. Ne emer te grupit te keshilltareve, Taulant Bino, i kerkoi dje Rames, qe te lere gjelberimin e Pezes dhe e ti kthehet zgjidhjes se pluhurit te Tiranes. “Rama, te lere lojen hapa-mbyllas, sepse kjo loje i pelqen vetem atij dhe te liroje trafikun dhe te cliroje qytetaret. Te lere trillimet me kriza dhe t’i shtrohet punes. I kerkoj te na jape alternativa per zhvillimin e qytetit, per transportin, trafikun dhe jeten sociale e ekonomike te kryeqytetit”, tha Bino. Sipas tij, po mbushen gati dy muaj qe Tirana eshte e bllokuar vetem per faj te Rames, ose ashtu sic e quajti ai, kryetarit qe nuk shkon ne pune. Bino akuzoi se fillimisht Rama bllokoi bulevardin per 18 dite dhe me pas vendosi papandehur te bllokonte te gjitha rruget lidhese me Sheshin Skenderbej. “Sot jemi kthyer ne nje situate sa tragjike dhe aq qesharake. Ne nje krah qytetaret vuajne trafikun, pluhurin dhe vapen, ndersa ne krahun tjeter, ai qe bllokon qytetin, jo vetem qe nuk shkon ne pune, por tashme edhe banon jashte Tiranes, ne zonen e gjelberuar dhe pa vape te Pezes”, akuzoi Bino. Sipas tij, ky bllokim ka shkaktuar jo vetem veshtiresi ne levizje dhe jo vetem paralize te jetes se qytetit por edhe trafik tej mase te renduar dhe ndotje masive te ajrit te qytetit, si pasoje e trafikut dhe e pluhurit ne ajer. “Kryetari ndoshta nuk e di, po njerezit jane qenie fryme-marrese dhe per pasoje ata kane nevoje per ajer. A e dini se Tirana eshte qyteti me i ndotur ne Evrope, cilesia e ajrit eshte 2-3 here me e ndotur se norma e shendetit publik dhe se te dhenat me te fundit te Organizates Boterore te Shendetesise, tregojne se pluhuri ne ajer ne qendren e Tiranes, eshte 3 here me e larte se norma evropiane e shendetit publik”, vijoi akuzat Bino. Sipas tij, vetem per faj te kryebashkiakut, pluhuri shkaktohet nga trafiku i renduar, nga rruget qe nuk pastrohen por vetem sperkaten, nga punimet ne vete sheshin Skenderbej. Bino shtoi se ajri eshte i tille sepse ne qytet nuk ka qarkullim te lire, mungojne investimet per akse te reja rrugore, mungon transporti alternativ dhe hapesirat e gjelbra jane reduktuar ne 3. 1. m2/fryme e kthyer ne betonishte. “Ne nuk e shohim ajrin por e ndiejme ate cdo dite ne mushkerite e femijeve qe po rriten ne kete pluhur. E ndiejme si prinder dhe si qytetare qe kemi pergjegjesine per lenien e qytetit ne duart e nje njeriu te papergjegjshem”, theksoi ai.