Biseda e tensionuar dhe anulimi i konferencës mes dy Presidentëve, Zelensky refuzon t’i kërkojë falje Trump: Nuk bëmë asgjë të keqe!
Presidenti i Ukrainës, Volodymyr Zelensky, pas një përplasje të ashpër në Shtëpinë e Bardhë me presidentin e SHBA-së, tha se nuk ndjen se ka nevojë t’i kërkojë falje Trump, shkruajnë mediat e huaja.
“Jo, unë respektoj presidentin dhe respektoj popullin amerikan, mendoj se ne duhet të jemi shumë të hapur dhe shumë të sinqertë. Nuk jam i sigurt nëse bëmë diçka të keqe. Mendoj se disa gjëra duhet t’i diskutojmë jashtë mediave, me gjithë respektin për demokracinë dhe mediat e lira”, tha presidenti i Ukrainës.
Volodymyr Zelensky shtoi se marrëdhënia e tij me SHBA-në mund të riparohet ende pas shkëmbimeve të ashpra me Donald Trump dhe JD Vance në Shtëpinë e Bardhë.
“Do të jetë e vështirë pa mbështetjen tuaj,” tha Zelensky në mediat Fox News.
Ndërkohë Presidenti Trump u tha gazetarëve se Zelensky po e tepron dhe duhet të pranojë të mbyllë luftën “menjëherë”.
/vizionplus.tv