Bizneset qe investojne, tani importe pa TVSH Eglantina Nasi

U lincua para pak javesh si nje nisme lehtesuese e qeverise ndaj biznesit. Por tashme ajo eshte kthyer ne nje realitet, duke bere qe ky i fundit te pakesohet nga nje detyrim me shume. Fjala eshte per nismen e perjashtimit nga Tatimi mbi Vleren e Shtuar te bizneseve per importin e makinerive apo pajisjeve vetem per qellime investimi. E cila, ka hyre ne fuqi pas dates 1 maj, duke bere qe bizneset tani e tutje, nese kane vendosur te investojne ne aktivitetin e tyre privat, mund te nisin programimin e importimit te pajisjeve apo makinerive te ndryshme me nje cmim 20% me te lire. Ne nje kohe, kur ne te njejten dite, ka nisur edhe venia ne zbatim e mases lehtesuese, per mospagesen e tatimit mbi te ardhurat, per kategorine e punonjesve qe paguhen me nje page nen 30 mije leke. Ndersa brenda ketij muaji, sic kane bere me dije edhe ekspertet e ministrise se Bujqesise, do te nise procesi i rimbursimit te fermereve per Tatimin mbi Vleren e Shtuar ndaj blerjeve te imputove bujqesore si farera, plehra kimike etj. Duke e kompletuar ne kete menyre akoma me shume paketen lehtesuese fiskale qe qeveria ka lincuar se fundmi ndaj disa kategorive te shoqerise dhe duke e bere konkrete ate, ne zbatim te plote. Nderkaq, duke iu rikthyer nismes se lartpermendur, te heqjes se TVSH-se per makinerite dhe pajisjet ndaj bizneseve qe i importojne ato per qellime investimi, kujtojme se ajo parashikon ne fakt edhe disa kritere te caktuara per zbatim. Konkretisht, duhet qe vlera e investimit te parashikuar nga bizneset te jete mbi 50 milione leke, ne menyre qe ata te mund te perfitojne prej saj. Nje plan ky i cili, duhet ne fakt qe t’u vertetohet autoriteteve tatimore permes dokumenteve perkatese. Sikunder, duhet ditur se ne grupin e bizneseve perfituese nga kjo nisme, perfshihen kryesisht ata te fasoneve, por edhe fermeret, te cilet vendosin te investojne ne sektorin e bujqesise, duke importuar nga jashte makineri apo pajisje me nje vlere te konsiderueshme. Duke bere keshtu, qe ne teresi, biznesi i cili ka qellime investimi, te perfitoje nje frymemarrje te lire, fale clirimit nga detyrimi per pagesen e Tatimit mbi Vleren e Shtuar.