Biznesi, mungon pergjegjshmeria sociale
Praktikat e pergjegjshmerise sociale nga bizneset shqiptare nuk kane gjetur ende vend dhe shtrirje ne zbatimin e tyre, ndersa mungojne politikat promovuese nga institucionet pergjegjese, ndonese Shqiperia ka nje legjislacion baze mjaft te kompletuar per zbatimin e tyre. Keto jane disa prej vrojtimeve, qe u bene te ditura dje, gjate konferences me teme "Mbi Pergjegjshmerine Sociale te Korporatave, pershpejtimi i praktikave te Pergjegjshmerise Sociale te Korporatave ne Vendet e Ballkanit Perendimor", te organizuar nga Qendra per Kerkime "Monitor" dhe Programi i Kombeve te Bashkuara per Zhvillim ne Shqiperi (PNUD). Ne konference mori pjese dhe pershendeti drejtori i PNUD-it ne Shqiperi, Norimasa Shimomura, i cili theksoi rendesine qe ka per komunitetin dhe jetesen e tyre zbatimi i Pergjegjshmerine Sociale te Korporatave (PSK), nga institucione te ndryshme, bizneset etj. Ne konference, kryeredaktorja e revistes se vetme ekonomike "Monitor", Ornela Liperi, paraqiti studimin paraprak te kryer ne kuader te programit te OKB, nga qendra studimore "Monitor", me teme "Mbi Praktikat e Pergjegjshmerise Sociale te Korporatave (PSK) ne Shqiperi". Ndersa drejtorja e programit te OKB-se per rajonin e Ballkanit, Marina Kaneti, beri nje pasqyrim te zhvillimit te programit ne vendet e rajonit, ku pergjithesisht keto politika jane ende te pazhvilluara.