Biznesi, procedura te reja per sigurimet

Per te zgjedhur bazen e subjekteve private qe jane perfshire ne skemen e sigurimeve shoqerore, Keshilli i Ministrave ka percaktuar hapat qe do te ndiqen qe nga regjistrimi ne Qendren Kombetare te Regjistrimit dhe deri ne pagesen e kontributeve. Keshtu, subjektet perpara fillimit te veprimtarise ekonomike edhe per efekte te pageses se kontributeve te sigurimeve shoqerore shendetesore, regjistrohen ne Qendren Kombetare te Regjistrimit ose ne organet tatimore apo ne organet e pushtetit vendor. Ne baze te percaktimeve te bera, punedhenesit dhe personat e vetepunesuar, qe e fillojne veprimtarine per here te pare, brenda 20 diteve nga data e regjistrimit agjencite e sigurimeve shoqerore nje kerkese per pajisjen e te punesuarve me numrin e sigurimit shoqeror. Ky numer sigurimi jepet nga Instituti i Sigurimeve Shoqerore pas paraqitjes se kerkeses sipas formularit tip. Nga ana tjeter nuk do ti shpetojne futjes ne skeme as ata persona te cilet do te ndertojne banesa apo edhe objekte te tjera. Bashkite ose komunat ne castin e dhenies se lejes per nje ndertim te ulet vetjak regjistrojne veprimtarine ne emer te marresit te lejes. Menjehere pas fillimit te punimeve, ky person detyrohet te deklaroje punemarresit, te paraqese listepagesen mujore dhe te paguaje kontributet. Nderkohe, per sa i perket te vetepunesuarve per here te pare ne veprimtari, tregtare apo sherbimi si dhe atyre ambulante, paraqesin ne agjencite e sigurimeve shoqerore kopjen e certifikates se identifikimit te personit te tatueshem dhe kerkesen per t’u pajisur me numrin e sigurimit shoqeror. Regjistrimi behet sipas procedures se percaktuar ne udhezimin e ministrit te Financave.

Sigurimi

Punedhenesi ben sigurimin e punemarresit, duke filluar nga dita e fillimit te punes, sipas percaktimit ne kontraten e punes apo ne aktin e emerimit dhe vazhdon te paguaje kontribute gjate te gjithe kohes, qe vazhdojne marredheniet e punes.