Blinken: Kërkesa e Finlandës dhe Suedisë për anëtarësimin në NATO, fitore për demokracinë

Sekretari amerikan i Shtetit Antony Blinken gjatë një takimi të zhvilluar më 1 qershor me Sekretarin e Përgjithshëm të Aleancës Atlantike, Jens Stoltenberg ka deklaruar se vendimi i Finlandës dhe Suedisë për anëtarësimin në NATO është një fitore për demokracinë. Blinken ka shprehur mbështetjen e plotë të SHBA për aplikimin e dy vendeve në NATO.

“Muajin e kaluar, Finlanda dhe Suedia, dy partnerë të vjetër të NATO-s, morën vendimin për të kërkuar anëtarësimin në NATO. Siç ka thënë presidenti Biden, ky vendim ishte një fitore për demokracinë. Finlanda dhe Suedia po kërkojnë të bashkohen me NATO-n jo sepse liderët e tyre e detyruan atë, por sepse qytetarët e tyre e kërkuan atë. Kushdo që pyet ndryshimin midis një demokracie dhe një shteti autoritar si Rusia, duhet të shikojë vetëm Rusinë, Finlandën dhe Suedinë. Njëri do t’i gënjente njerëzit e tij për të bërë një luftë, dy do të dëgjonin njerëzit e tyre për të parandaluar luftën. Shtetet e Bashkuara mbështesin fuqimisht aplikimet e Finlandës dhe Suedisë. Të dy vendet janë më se të kualifikuara për t’u bërë sa më shpejt anëtarë të plotë të Aleancës. Me anëtarësimin në NATO, ata do ta forcojnë NATO-n. Ne mezi presim t’i sjellim ata shpejt në Aleancën më të fortë mbrojtëse në histori”, tha Blinken teksa siguroi se SHBA do të vijojë partneritetin me Finlandën dhe Suedinë, do të mbetet vigjilente ndaj çdo kërcënimi të përbashkët.

/rtsh.al/