Bojaxhi llogari per Hamallajn ne prokurori
Kreu i Inspektoriatit Ndertimor pretendoi se banesat ne Hamallaj ishin pa leje dhe se zona eshte shpallur turistike me vendim
Ndertimoret ne vere te ketij viti sulmuan zonen e hamallajt per te prishur ndertimet pa leje. Banoret denoncuan
TIRAN- Task-Forca e prokurorise se kryeqytetit pas regjistrimit te procedimit penal mbi bazen e kallezimit te banoreve te fshatit Hamallaj te Durresit merr ne pyetje kreun e Inspektoratit Ndertimor Urbanistik Kombetar Gjergji Bojaxhi. Ky i fundit akuzohet nga banoret fshatit Hamallaj per shperdorim te detyres pasi kishte urdheruar inspektoratin ndertimore per prishjen e banesave te ndertuara ne zonen e plazhit.
Lajmi konfirmohet nga burimet zyrtare prane njesise se perbashket hetimore ku prokurori Olsi Dado dhe oficeri i zyres se tij kane siguruar per dy ore deshmine e kreut te ndertimores Bojaxhiu ne lidhje me kallezimin e banoreve.
I pyetur nga Shekulli per deklarimet e tija ne prokurori vete kreu i INUK-ut refuzoi te beje ndonje koment duke e cilesuar thirrjen dhe pyetjen e tij si nje rutine te punes se organit te akuzes.
Nga ana tjeter burimet nga Task-Forca shtuan se Bojaxhiu eshte pyetur me cilesine e deklaruesit dhe personit qe ka dijeni per ngjarjen. Pyetja e tij mesohet se eshte bere pa pranine e avokatit pasi sipas procedures penale kur personi thirret me cilesine e deklaruesit nuk eshte e nevojshme prezenca e avokatit.
Sipas burimeve nga prokuroria konfirmohet se vete Bojaxhiu gjate marrjes ne pyetje i ka qendruar urdhrit te firmosur nga vete ai per prishjen e ndertimeve pa leje ne Hamallaj. Urdher ky qe sipas deklarimeve te Bojaxhiut ka ardhur mbi bazen e Vendimit te Keshillit te Ministrave te firmosur nga vete kryeministri Sali Berisha ku zona e fshatit Hamallaj perfshihej ne zone turistike dhe ne menyre kategorike ndalohen ndertimet.
Gjithashtu keto burime shtuan se Bojaxhiu e ka cilesuar urdhrin e tij per prishjen e banesave si te ligjshem dhe te bazuar ne vendimin e Keshillit te Ministrave dhe veprimet e tija jane ne perputhje me ligjin dhe rregulloren e Institucionit qe ai drejtorn. Banoret e fshatit Hamallaj te Durresit me 1 korrik 2010 u konfrontuan me policine pasi kundershtonin aksionin per prishjen e ndertimeve pa leje.
Banoret kundershtuan me force vijimin e aksionit qe parashikonte prishjen e 150 ndertimeve pa leje duke qelluar me mjete te forta ndaj policise. Ky urdher per prishjen e ketyre banesave ishte dhene nga kreu i INUK-ut Bojaxhiu fadromat e te cilit u kthyen mbrapa pas perleshjes me banoret.
Per kete perleshje forcat e policise arrestuan disa banore ku familjaret e tyre me pas iu drejtuan prokurorise duke kallezuar Gjergji Bojaxhiun per akuzen e shperdorimit te detyres per faktin se kishe leshuar urdhrin per prishjen e banesave te tyre ne menyre te kundraligjshme.