“Bonusi i bebes” përfitojnë prindërit e 10 mijë fëmijëve të porsalindur në muajt e parë të këtij viti

“Bonusi i bebes” u ka shkuar prindërve të rreth 10 mijë fëmijëve të porsalindur në muajt e parë të këtij viti. Lajmin e ka bërë të ditur në rrjetet sociale ministrja e shëndetësisë dhe mbrojtjes sociale Ogerta Manastirliu. 

Që prej fillimit të këtij programi universal në janar 2019, më shumë se 167 mijë fëmijë kanë përfituar bonusin e bebes, një mbështetje direkte për familjet që gëzohen me fëmijë.

Sipas këtij programi familjet me fëmijët e porsalindur shpërblehen me 40,000 lekë për fëmijën e parë, 80,000 lekë për fëmijën e dytë dhe 120,000 lekë për fëmijën e tretë. 

/ rtsh.al /