Bregu: Fitoi e djathta. Do të anëtarësojmë Shqipërinë në BE

Zëdhënësja e Fushatës së Partisë Demokratike Majlinda Bregu konfirmoi pak minuta më parë në një konferencë për shtyp nga selia blu se “ në bazë të të gjitha llogaritjeve në rang kombëtar konfirmohet fitorja e koalicionit “ Aleanca për Ndryshim”. Bregu tha se “ në Shqipëri kanë fituar standardet në këto zgjedhje" duke shtuar se "gjithashtu ka fituar edhe  koalicioni qeverisës, i cili është votuar në maxhorancë nga qytetarët shqiptarë që kanë votuar më 28 qershor”. “ Nuk ka asnjë dyshim që maxhoranca e djathtë aktuale do të qeverisë Shqipërinë edhe në mandatin e dytë në katër vitet e ardhshme”, tha Bregu.

Deklarata e plotë

Pershëndetje të gjithëve që jeni duke ndjekur lajmin e konfirmimit  për  fitoren e dyfishtë  nga selia blu, fitoren e standardeve europiane të zgjedhjeve në Shqipëri dhe fitoren e sigurt të koalicionit qeverisës, i cili është votëbesuar në mazhorancë nga qytetarët shqiptarë që kanë votuar në datën 28 qershor.

Nuk ka asnjë dyshim tanimë, në të gjitha përllogaritjet që mazhoranca aktuale dhe koaliconi  “Aleanca e Ndryshimit” do të qeverisin Shqipërinë edhe për mandatin e ardhshëm 4-vjeçar.

Prandaj ju faleminderit të gjithëve atyre që na kanë votuar.

Ftoj KQZ-në dhe të gjitha Institucionet e tjera si dhe KZAZ-të që të përfundojnë procedurat e fundit të numërimit të votave dhe përllogaritjet finale zyrtare për të konfirmuar zyrtarisht atë të cilën unë po ju them paraprakisht nga selia e Partisë Demokratike, fitoren e Koalicionit qeverisës në Shqipëri.

Sa mandate keni si Koalicion?

Në të gjitha përllogaritjet që bëjmë,  të jeni të sigurt që kemi 71 mandate.

A do të jetë stabël ky Koalicion ?

Koalicioni që do të qeverisë Shqipërinë do të jetë  një koalicion stabël dhe i Shqipërisë europiane.