Bregu Rekomandimet e BE ne fund te prillit gati plan-veprimi

Në fund të prillit qeveria shqiptare do të ketë gati plan- veprimin për zbatimin e 12 rekomandimeve të Komisionit Europian, si kushte për marrjen e statusit të vendit kandidat, dhe hapjen e negociatave për anëtarësim në BE. Sot Ministria e Integrimit zhvilloi konsultimin e fundit me shoqërinë civile.

Ministrja Bregu tha për gazetaret se në këtë proces ka pasur një angazhim serioz edhe të opozitës në Komisionin e Integrimit, edhe për përmbushjen rekomandimeve që kërkojnë shumicë të cilësuar votash.

Ajo tha se shpresonte qe opozita t’i qëndronte këtij angazhimi për të nisur menjëherë nga puna pas zgjedhjeve vendore të 8 majit.