Britania e Madhe pezullon bisedimet tregtare me Izraelin/ Starmer: Nuk mund të lejojmë që populli i Gazës të vdesë nga uria

Kryeministri britanik Sir Keir Starmer duke folur para deputetëve u shpreh se niveli i vuajtjeve në Gaza është “krejtësisht i patolerueshëm” dhe është “i tmerruar nga përshkallëzimi nga Izraeli”.

“Njoftimi i fundit se Izraeli do të lejojë një sasi bazë ushqimi në Gaza është krejtësisht dhe absolutisht i pamjaftueshëm“, thotë ai.

“Prandaj, vazhdon ai, ne duhet të koordinojmë reagimin tonë, sepse kjo luftë ka vazhduar për një kohë shumë të gjatë. Nuk mund të lejojmë që populli i Gazës të vdesë nga uria.“

Nga ana e tij, Sekretari i Jashtëm David Lammy deklaroi se, Britania e Madhe pezullon bisedimet tregtare me Izraelin.

Duke iu drejtuar deputetëve, David Lammy tha se “kërcënimi i urisë po i kanoset qindra mijëra civilëve” në Gaza, të cilin ai e quan “të neveritshëm“.

Ai thotë se bllokada 11-javore që ndalon ndihmën humanitare që arrin në Gaza është “e pambrojtshme dhe mizore”.

“Ata po e izolojnë Izraelin nga miqtë dhe partnerët e tij në mbarë botën, duke minuar interesat e popullit izraelit dhe duke dëmtuar imazhin e shtetit të Izraelit në sytë e botës.”

Lammy thotë se Mbretëria e Bashkuar po pezullon negociatat me qeverinë izraelite për një marrëveshje të re të tregtisë së lirë dhe po thërret ambasadoren izraelite në Mbretërinë e Bashkuar, Tzipi Hotovely, në Ministrinë e Jashtme.

“Bota po gjykon. Historia do t’i gjykojë ata“, shton ai.

“Bllokimi i ndihmës, zgjerimi i botës, shpërfillja e shqetësimeve të miqve dhe partnerëve tuaj. Kjo është e pambrojtshme dhe duhet të ndalet.”

“Dhe siç ka thënë kryeministri, nëse Izraeli vazhdon këtë ofensivë ushtarake, siç ka kërcënuar se nuk do të sigurojë ofrimin e papenguar të ndihmës, ne do të ndërmarrim veprime të mëtejshme si përgjigje.”

Izraeli thotë se Mbretëria e Bashkuar, Franca dhe Kanadaja janë në anën e gabuar të historisë

Izraeli ka akuzuar Mbretërinë e Bashkuar, Francën dhe Kanadanë se janë në “anën e gabuar të historisë”.

Udhëheqësit e tre vendeve kërcënuan dje se Izraeli do të marrë pasoja, përfshirë sanksione, nëse nuk e ndal ofensivën e tij të fundit ushtarake në Gaza dhe nuk rrit fluksin e ndihmave.

Hamasi e vlerësoi deklaratën si një “hap në drejtimin e duhur”, duke nxitur një përgjigje nga llogaria zyrtare e Izraelit në X pak çaste më parë…

“Kur të lëvdon Hamasi – një organizatë terroriste xhihadiste që vret fëmijë dhe përdhunon gra – je në anën e gabuar të historisë. Çfarë turpi.”

/rtsh.al/