Broja asist, por… Fulham humbet

Armando Broja edhe njëherë e ka nisur nga stoli me skuadrën e tij të re, Fulham në Premier League, për të zbritur në fushën e lojës në minutën e 80-të në sfidën e humbur 1-2 në shtëpinë e Wolves. Ndërsa pjesa e parë u mbyll në barazim 0-0, në pjesën e dytë vendasit arritën të shënojnë dy herë me anë të Aït-Nouri 52’ dhe autogoli i Cairney 67’.

I aktivizuar në vend të mbrojtësit Castagne, sulmuesi kuqezi mori pjesë në shënimin e golit të vetëm për skuadrën e tij në këtë ndeshje në minutën e 7-të shtesë, duke asistuar për Iwobi, i cili shënoi në një pozicion të vështirë. Ky është asistimi i parë për Brojën me fanellën e Fulham.