Broja, titullar dhe ritëm i frikshëm: i mungoi vetëm goli

Durimi i Armando Broja u shpërblye pasi 21-vjeçari performoi mirë në debutimin e tij si titullar për Chelsea në barazimin 0-0 në fushën e Brentford të mërkurën në mbrëmje. Sulmuesi kuqezi është detyruar të presë një moment të tillë me klubin e tij të fëmijërisë, pasi bëri 11 paraqitje të tjera nga pankina.

Ishte një natë e rëndësishme për një lojtar që iu bashkua klubit vetëm në moshën nëntë vjeç pasi bëri përshtypje në një ndeshje për Tottenham kundër akademisë së Cobham.

Që nga momenti kur u dha fishkëllima e parë, Broja dha energji të jashtëzakonshme në ndeshje, por shpesh i gjente vrapimet e tij pas mbrojtjes së Brentford të injoruara, ndërsa Chelsea përpiqej të përshtatej me një lojtar të ri kryesor. Rrëmbeu skenën në ato pak shanse që blutë mund të krijonin dhe të kalonin krosimet pasi adrenalina e rastit padyshim që i takoi atij.

Me kalimin e minutave Broja filloi të tregonte se për çfarë kishte të bënte, pothuajse duke krijuar raste të mëdha për Havertzn përmes vrapimit të tij të drejtpërdrejtë, duke tmerruar me ritmin e tij mbrojtësin Ben Mee.

Aftësia e tij për të prodhuar vrapim me intensitet të lartë ndihmoi presionin e Chelsea për t’u siguruar që ata mund të konkurronin kundër skuadrës më të drejtpërdrejtë në ligë këtë sezon.

E mbylli ndeshjen para kohe,në minutën e 62-të duke u zëvendësuar nga Sterling, por prodhoi më shumë driblime se cilido nga shokët e tij të tjerë të skuadrës.