Bukureshti do të përmirësojë sistemin e tij të sirenës paralajmëruese, thotë kryebashkiaku

Sistemi i sirenave të paralajmërimit publik të Bukureshtit do të modernizohet, tha kryebashkiaku Nicusor Dan, njofton Romania Insider. Sipas tij, vetëm rreth gjysma e 300 sirenave të urgjencës në kryeqytet janë aktualisht funksionale.

“Ky sistem i përbërë nga 300 sirena dhe 6 qendra alarmi të vendosura në rrethet e kryeqytetit, prej më shumë se 30 vitesh nuk ka pasur investime të konsiderueshme. Vetëm 155 sirena dhe dy qendra janë funksionale sot, dhe shumica e sirenave mund të funksionojnë vetëm manualisht, “tha kryebashkiaku Dan.

Bashkia akordoi 2.7 milionë RON (plus TVSH) për këtë projekt. Sipas planeve të shpallura nga Nicusor Dan, të 300 sirenat do të përmirësohen dhe do të blihen 10 qendra të reja kontrolli.

“Ne do të bëjmë kështu një sistem modern, të integruar dhe të centralizuar, i cili mund të operohet me prekjen e një butoni”, tha kryebashkiaku. (Sipas Romania Insider)