Bumci Programi i PS pa pergjigje per legalizimet shendetesine e taksimin

Opozita nuk ka pyetje për kryeministrin Rama sepse, sipas Aldo Bumçit nuk paraqiti program, por nje listë dëshirash që nuk di si t’i realizojë. Demokratët i kanë ndarë detyrat për seancën e debatit ku do të votëbesohet qeveria e majtë. Ekonomia do të zërë fokusin kryesor, ndërsa premtimet kryesore të socialistëve sipas Bumçit do të mbeten vetëm elektorale. 
Demokratët nuk kanë se për çfarë ta pyesin Edi Ramën.  Për premtimet e socialistëve ata nuk kanë gjetur asnjë përgjigje në  programin qeverisës të katër viteve të ardhshme.  Aldo Bumçi veçon tre prej tyre: legalizimet, shëndetësinë dhe taksimin progresiv. Ekonomia pritet të jetë fokusi i debatit maratonë. Deri tani opozita lexon tre deklarata të rrezikshme të kryeministrit në pritje të votëbesimit, ndërsa vetë janë krenarë që në kohën krizës ekonomike botërore pushtetin e dorëzuan pa recesion Braktisën sallen në seancën e paraqitjes së programit, por Bumçi thotë se bojkoti nuk do të jetë  politikë e opozitës. Rama abuzoi, sipas tij me avantazhin që i lejoi opozita, duke iu kthyer kësaj të fundit me sulm. Seancës së debatit të së shtunës demokratët do t’i paraprijnë me një mbledhje tjetër grupi.