Burgjet I semuri e mori virusin HIV nga jashte

TIRAN- Nje i denuar i cili nderroi jete pak dite me pare per shkak se vuante nga HIV/ AIDS ne nje nga institucionet e vuajtjes se denimit ne vend ka bere qe Drejtoria e Burgjeve te hartoje per te nje raport te posacem ne lidhje me kete rast si dhe per rastin e nje personi tjeter i cili gjithashtu vuan nga e njejta semundje.

Lajmi u be i ditur dje nga Drejtoria e Burgjeve ne nje deklarim zyrtar nepermjet te cilit sqarohet situata e vdekjes se te denuarit.

I denuari V.C qe ka nderruar jete per shkak te HIV/AIDS-it gjate qendrimit ne burg nuk eshte vizituar apo trajtuar nga stomatologet nuk ka shfaqur shenja te deviacionit seksual nuk ka kryer takime speciale nuk ka bere ndonje tatuazh si dhe nuk ka perdorur sende personale te bashkevuajtesve te tjere.

Keshtu deklaroi Drejtoria e Pergjithshme e Burgjeve vetem pak dite pas vdekjes se te denuarit per vjedhje 27 vjecarit V. C ne Qendren Spitalore Universitare Nene Tereza.

Ai vuante nga virusi AIDS prej disa kohesh. Ne njoftimin e tij institucioni i burgjeve renditi kronologjine e mjekimeve te te denuarit ne ambiente te ndryshme spitalore deri ne momentin e identifikimit te semundjes se tij qe i solli vdekjen. I denuari V.C mberriti ne burgun e Peqinit me 15 korrik 2010 nga Mine Peza.

Ne kartelen e tij klinike vleresimi mjekesor ishte pa probleme shendetesore. Per here te pare eshte paraqitur per vizite ne daten 18 gusht 2010 per nje infeksion ne fytyre furunculoze faciale per te cilen u dergua ne spitalin e Elbasanit- tha Drejtoria e Burgjeve.

Sipas saj ai u trajtua sipas rekomandimeve dhe analizave te kryera komplet nga personeli mjekesor i spitalit te Elbasanit. Me pas ai u rikthye aty me 15 shtator 2010 dhe u rekomandua ne repartin e dermatologjise ne Tirane. Me date 16 shtator 2010 pacienti u dergua ne Qendren Spitalore te Burgjeve ku u vizitua nga mjeket dermatologe te QSUT-se Nene Tereza.

Ata konkluduan se i denuari per vjedhje vuante nga nje furunkuloze dhe dermatit seborik per te cilet u rekomanduan edhe mjekimet perkatese-thuhet ne njoftim. Ky i denuar me 1 tetor 2010 ka pasur shqetesime per dhimbje te kembes se majte dhe pas nje analize imazherike me 8 tetor 2010 duke paraqitur paraplegji inferiore te kembes se majte.

Ai u shtrua ne Spitalin e Burgjeve me diagnoze Hemipareze e majte me natyre per tu determinuar. 27- vjecarit V. C. iu kryen analizat laboratorike dhe imazherike pasi dyshohej per nje Metastaza cerebrale. Sipas deklarates se Burgjeve me 1 nentor 2010 personeli mjekesor konfirmoi nga analizat se pacienti ishte infektuar me HIV pozitiv dhe menjehere ishte shtruar ne reanimacionin e Infektivit ku nderroi jete disa dite me vone.

Nje i denuar tjeter vuan nga HIV

Ndersa ne lidhje me te denuarin tjeter te identifikuar me semundjen HIV/AIDS te denuarit per tentative vrasjeje B.O. Drejtoria e Pergjithshme e Burgjeve deklaroi sese gjendja e tij ishte nen kontroll.

Ne lidhje me te denuarin tjeter me inicialet B.O nuk perben objekt rrezikshmerie dhe infektimi per bashkevuajtesit e tjere duke njohur shkaqet e infektimit te kesaj semundjeje dhe historikun e personit. Situata e qete dhe nen kontroll ne te gjitha institucionet nuk ka asnje precedent per tu alarmuar-thuhet ne njoftimin e Drejtorise se Pergjithshme te Burgjeve.

Drejtoria e Pergjithshme e Burgjeve ne bashkepunim me Shoqaten Stop Aids financuar nga Global Fund per HIV/Aids si dhe Programi Kombetar i HIV/Aids ISHP kane perfunduar me sukses fazen e pare dhe te dyte te projektit Per parandalimin e HIV/AIDS/IST ne Sistemin e Burgjeve.

Projekti ka hyre ne fazen e trete qe perfshin periudhen prill 2010 - mars 2011 dhe eshte duke u zbatuar ne IEVP Durres Rrogozhine Ali Demi dhe Instituti i te Miturve Kavaje.

Ne perfundim te dy fazave te para nuk u konstatua asnje i burgosur i infektuar me semundjen HIV/AIDS. Mbi 90 e te denuarve dhe paraburgosurve ne IEVP e siperpermendur shprehen vullnetin e tyre per te kryer nje testim vullnetar per HIV duke ruajtur konfidencialitetin.

Kjo si rezultat i sensibilizimit dhe rritjes se nivelit te njohurive te burgosurve. Nga rezultatet e para asnje i burgosur nuk ka rezultuar pozitiv-thuhet nga burgjet.